भारतमा नियम विपरित बनाईएका ३२ र ३० तलाका जोडी भवन भत्काइयो

बिदेश

गृहपृष्ठ
बिदेश

सेतोपत्र डेस्क आइतबार, भदौ १२, २०७९

तस्वीर स्रोतः गुगल ।

झापा, भदौ १२ । भारतको नोयडामा अवैध रूपमा बनाइएका दुई अग्ला भवनहरू आज भत्काईएको छ । राजधानी नयाँदिल्लीसँग जोडिएको उत्तर प्रदेशको नोयडामा रहेका दुईमध्ये एउटा भवन एक सय तीन मिटर र अर्को ९७ मिटर अग्ला रहेका थिए । ती दुई जोडी भवन मध्ये एउटा ३२ तला र अर्को ३० तलाको रहेको भारतिय सञ्चारमाध्यमहरुले जनाएका छन ।

एपेक्स र सियान नाम गरेका ति भवनहरू नियम विपरित बनाईएको कारण भत्काईएको भारतिय सञ्चार माध्यमहरूले जनाएका छन् । झन्डै ३ हजार ७ सय किलोग्राम बिस्फोटक पदार्थ पड्काएर यी दुई भवनलाई ध्वस्त पारिएको छ । ती भवनको आसपासमा रहेका घरहरुमा बस्ने झन्डै सात हजार मानिसहरूलाई बाहिर निकालिएको थियो भने केहीबेर भवन नजिकैको राजमार्ग बन्द समेत गरिएको थियो ।

भवन भत्किँदा फैलिएको धुलो हटाउन सयौं कर्मचारीहरू खटाइएको छ । भारतको सर्वोच्च अदालतले मापदण्ड मिचेर बनाइएका ती दुइटा भवन भत्काउन गत वर्ष आदेश दिएको थियो । यसअघि सन् २०१४ मा अलाहवाद उच्च अदालतले पनि ती दुई भवन भत्काउन आदेश दिएको थियो ।

प्रकाशित मिति: आइतबार, भदौ १२, २०७९ १९:०९