झापामा रास्वपाको ‘क्लिन स्वीप’

राजनिति

गृहपृष्ठ
राजनिति

सेतोपत्र डेस्क आइतबार, फागुन २४, २०८२

झापा, फागुन २४ । फागुन २१ गते भएको प्रतिनिधि सभा सदस्यको निर्वाचनमा प्रत्यक्ष तर्फ राष्ट्रिय स्वतन्त्र पार्टी (रास्वपा) ले झापाका पाँच वटै निर्वाचन क्षेत्रमा विजयी नतिजा निकालेर क्लिन स्वीप गरेको छ ।

झापा १ मा रास्वपाकी निशा डाँगी विजयी हुनु भएको छ । वहाँ नेपाली काँग्रेसका झापा उपसभापति केशवराज पाण्डेलाई पछि पार्दै विजयी हुुनु भएको हो । त्यस्तै झापा २ मा रास्वपाकै इन्दिरा राना मगर विजयी हुँदा झापा ३ मा रास्वपाका प्रकाश पाठक विजयी हुनु भएको छ । पत्रकारिता पृष्ठभुमिबाट आउनु भएका पाठक राष्ट्रिय प्रजातन्त पार्टी (राप्रपा) का केन्द्रीय अध्यक्ष राजेन्द्र लिङदेनलाई पछि पार्दै विजयी हुनु भएको हो ।

झापा क्षेत्र नं. ४ मा रास्वपाकै शम्भु प्रसाद ढकाल (सुस्केरा) विजयी हुनु भएको छ । वहाँले नेकपा एमालेका नेता एलपी साँवा र काँग्रेस झापाका सभापति देउकुमार थेबेलाई पछि पार्दै विजयी नतिजा निकाल्नु भएको हो ।

त्यस्तै झापा ५ मा रास्वपाका बरिष्ठ नेता तथा भावी प्रधानमन्त्रीका रुपमा चर्चामा रहनु भएका बालेन्द्र शाह (वालेन) विजयी हुनु भएको छ । वालेनले नेकपा एमालेका अध्यक्ष तथा पुर्व प्रधानमन्त्री केपी शर्मा ओलीलाई ४९ हजार भन्दा बढी मतान्तरले पराजित गर्नु भएको छ ।
झापाका सबै क्षेत्रमा रास्वपाका उम्मेद्वारले आफ्ना प्रतिस्पर्धी उम्मेद्वारलाई निक्कै फराकिलो मतान्तरले पराजित गरेका छन ।

प्रकाशित मिति: आइतबार, फागुन २४, २०८२ ०८:४१