भारतमा अब सोसल मिडियामा भएको गैरकानूनी सामग्री तीन घण्टामा हटाउनु पर्ने

बिदेश

गृहपृष्ठ
बिदेश

सेतोपत्र डेस्क बुधबार, माघ २८, २०८२

झापा, माघ २८ । भारतले आफ्नो आइटी कानूनमा परिवर्तन गरेको छ । परिवर्तित आइटी कानून अनुसार सोसल मिडियामा पठाइएको गैरकानूनी सामग्री सरकारले सूचना गरेको तीन घण्टा भित्र हटाउनु पर्नेछ ।

भारत सरकारले मंगलबार आइटी कानूनहरुमा संशोधन भएको जनाउँदै अब सरकारले सूचना गरेको तीन घण्टा भित्र कुनै पनि सोसल मिडिया कम्पनीहरुले आफ्नो प्लेटफार्ममा रहेको गैरकानूनी सामग्री अनिवार्य हटाउनु पर्ने व्यवस्था गरेको अन्तराष्ट्रिय समाचार एजेन्सीहरुले जनाएका छन ।

अन्तराष्ट्रिय समाचार संस्थाहरुले जनाए अनुसार यो नियम फेब्रअरी २० अर्थात फागुन ८ गतेदेखि लागू हुनेछ । भारतमा अहिले गैरकानूनी सामग्री हटाउन सोसल मिडिया कम्पनीहरूलाई ३६ घण्टाको समयसीमा दिइने गरेको छ । तर अब यो समयसीमा घटेर तीन घण्टामा सिमित गरिएको हो ।

राष्ट्रिय सुरक्षा, सार्वजनिक व्यवस्था र यौन अपराधसँग सम्बन्धित सामग्रीलाई गैरकानुनी ठहर गरी हटाउने आदेश दिने अधिकार भारतको आइटी कानूनले प्रदान गरेको छ ।

प्रकाशित मिति: बुधबार, माघ २८, २०८२ १०:३४