रतन टाटाको निधन

बिदेश

गृहपृष्ठ
बिदेश

रतन टाटाको निधन

सेतोपत्र डेस्क बिहीबार, असोज २४, २०८१

झापा, असोज २४ । भारतका प्रसिद्ध उद्योगपति रतन टाटाको निधन भएको छ । उहाँको ८७ बर्षको उमेरमा बुधबार राति मुम्बईस्थित एक अस्पतालमा निधन भएको हो । टाटा सन्सका अध्यक्ष एन चन्द्रशेखरनले टाटा समूहको तर्फबाट विज्ञप्ति जारी गरी रतन टाटाको निधन भएको जानकारी दिनु भएको छ ।

उहाँको निधनमा भारतीय राष्ट्रपति, प्रधानमन्त्री लगायतले शोक व्यक्त गरेका छन । राष्ट्रपति द्रौपदी मुर्मुले एक्समा लेख्नु भएको छ– रतन टाटाको निधनबाट भारतले यस्तो आइकनलाई गुमायो जसले पुँजी वृद्धिलाई देशको निर्माणसँग र उत्कृष्टतालाई नैतिकतासँग जोड्यो ।

यसैगरी प्रधानमन्त्री नरेन्द्र मोदीले पनि रतन टाटालाई एक भिजिनरी बिजनेस लिडर र एक असाधारण व्यक्तिको रुपमा सम्झिनु भएको छ । रतन टाटाको जन्म २८ डिसेम्बर १९३७ मा भएको थियो । उहाँलाई भारत सरकारले प्रतिष्ठित पद्म विभूषणबाट सम्मानसमेत गरेको थियो । टाटा मोटर्स कम्पनीका उत्पादनहरुका मालिक रतन टाटाले आफ्नो व्यापार विश्वका धेरै देशमा फैलाउनु भएको छ ।

प्रकाशित मिति: बिहीबार, असोज २४, २०८१ ०७:२९