झापामा रास्वपाको समानुपातिकमा पनि बलियो जनमत

राजनिति

गृहपृष्ठ
राजनिति

सेतोपत्र डेस्क सोमबार, फागुन २५, २०८२

झापा,फागुन २५ । झापामा ‘क्लिन स्वीप’ गरेको राष्ट्रिय स्वतन्त्र पार्टी (रास्वपा) ले समानुपातिकतर्फ पनि बलियो जनमत बटुलेको छ । प्रत्यक्ष तर्फ जिल्लाको ५ वटै क्षेत्रमा जित निकालेको रास्वपा समानुपातिकतर्फ पनि पहिलो बनेको हो ।

रास्वपाले झापामा समानुपातिक तर्फ कुल २ लाख ३८ हजार ६ सय ९५ मत पाएको छ। रास्वपाले झापा १ मा ४५ हजार १ सय ४२,झापा २ मा ५८ हजार १ सय ५,झापा ३ मा ३९ हजार ५ सय ९६,झापा ४ मा ४३ हजार ३७ र झापा ५ मा ५२ हजार ८ सय १५ मत पाएको छ ।

जिल्लामा नेकपा एमालेले समानुपातिक तर्फ दोस्रो स्थानमा रहदै ५२ हजार ७ सय १७ मत प्राप्त गरेको छ । श्रम संस्कृति पार्टीले तेस्रो स्थानमा रहदै कुल ४३ हजार ४ सय ९१ मत प्राप्त गर्दा नेपाली काँग्रेसले ३७ हजार ४ सय ९६ मत पाएको छ ।

त्यस्तै राप्रपाले २९ हजार ८ सय ९३ मत प्राप्त गर्दा नेपाली कम्युनिष्ट पार्टीले ७ हजार ६ सय ७१ मत पाएको छ ।

प्रकाशित मिति: सोमबार, फागुन २५, २०८२ १६:३९