कुमार भट्टराईको ‘२८ साल’ लोकार्पण

कला/साहित्य

गृहपृष्ठ
कला/साहित्य

सेतोपत्र डेस्क बिहीबार, माघ ११, २०८०

पुस्तक लोकार्पण गर्दै ठुलो दुर्गा अधिकारी, पुरुषोत्तम दाहाल र लेखक भट्टराई ।

झापा, माघ ११ । झापाका पत्रकार तथा साहित्यकार कुमार भट्टराईद्वारा लिखित उपन्यास ‘२८ साल’ बुधबार लोकार्पण भएको छ । काठमाण्डौको प्रज्ञा भवनमा आयोजित कार्यक्रममा झापा विद्रोहका योद्धा ठूलो दुर्गा अधिकारी, वरिष्ठ पत्रकार पुरूषोत्तम दाहाल र लेखक भट्टराईले संयुक्त रूपमा कृतिको लोकार्पण गर्नुभयो ।

‘झापा विद्रोह’ को नामले चिनिने तत्कालीन कम्युनिस्ट कार्यकर्ताले २०२८ देखि २०३२ सम्म सञ्चालन गरेको हिंसात्मक आन्दोलन हाँकेका पात्रहरुको साविति बयानका रुपमा लेखिएको उपन्यास २८ साल पुस्तकले तत्कालिन अवस्थाको थुप्रै बिषय सार्वजनिक गरेको लेखक भट्टराईले बताउनु भएको छ ।

नेपालको राजनीतिक इतिहासमा उक्त सशस्त्र विद्रोहमा आन्दोलनकारीतर्फ ७ र विद्रोहीबाट ९ जनाको हत्या भएको थियो । घटनापछि सयौं विद्रोही जेलनेल परेका थिए भने कम्युनिस्ट आन्दोलनमा ठूलो हलचल मच्चिएको थियो । यस पुस्तकमा झापा विद्रोहका जीवित पात्र र विद्रोहीबाट हत्या गरिएका ३७ पात्रहरूको कथानक बयान छ ।

उपन्यासको संरचनामा लेखिएको कृतिमा कथा भन्ने पात्रहरूमा केपी ओली, सीपी मैनाली, राधाकृष्ण मैनाली, हर्क खड्का, राजेन राजबंशी, ठूलो दुर्गा अधिकारी, सानो दुर्गा अधिकारी लगायतका तत्कालीन विद्रोहका अगुवाहरू समेत छन । कार्यक्रममा बोल्दै वरिष्ठ पत्रकार पुरूषोत्तम दाहालले झापा विद्रोहको बारेमा पुस्तकले प्रष्ट बताएको बताउनुभयो ।

प्रकाशित मिति: बिहीबार, माघ ११, २०८० ०६:४५