सर्वोच्चको आदेशसंगै कर्मचारी ट्रेड युनियन खारेज

देश

गृहपृष्ठ
देश

सेतोपत्र डेस्क शुक्रबार, जेठ २९, २०८३

झापा, जेठ २९ । नेपालमा कर्मचारीको ट्रेड युनियन खारेज भएको छ । आजको सर्वोच्च अदालतको संवैधानिक इजलासको बहुमतले कर्मचारीको ट्रेड युनियन खारेज गरेको हो । अद्यादेशमार्फत कर्मचारी ट्रेड युनियन खारेजी गर्ने सरकारको निर्णय कार्यान्वयन गर्न बाटो खुलेको छ । आज सर्वोच्च अदालतको संवैधानिक इजलासको बहुमतबाट उक्त निर्णय कार्यान्वयन गर्ने पक्षमा फैसला भएसंगै अद्यादेशको व्यवस्था कार्यान्वयन हुने भएको हो ।

संवैधानिक इजलासमा रहनु भएका प्रधानन्यायधीश डा मनोज कुमार शर्मासहित न्यायधीशहरु विनोद शर्मा र अब्दुल अजित मुशलमानले कर्मचारी यूनियन खारेजी गर्ने अद्यादेशको पक्षमा राय दिनु भएको थियो भने न्यायधीश डा नहकुल सुवेदी र महेश शर्मा पौडेलले यस अघि संवैधानिक इजलासले दिएको अन्तरिम आदेशलाई नै निरन्तरता दिनु पर्ने राय दिनु भएको थियो ।

दुई थरी राय आए पछि प्रधानन्याधीशसहित बहुमत न्यायधीशहरुको राय नै सर्वोच्चको आदेशका रुपमा जारी भएको हो । यो आदेश पछि सरकारले अद्यादेशमार्फत कर्मचारी ट्रेड युनियन खारेज गर्ने निर्णय अब स्वत कार्यन्वयनमा आएको छ ।

प्रकाशित मिति: शुक्रबार, जेठ २९, २०८३ १८:१२