पाँच पटकका मुख्यमन्त्री चाम्लिङ सिक्किम राज्य सभामा पराजित

बिदेश

गृहपृष्ठ
बिदेश

सिक्किम राज्यसभा चुनाव पाँच पटकका मुख्यमन्त्री चाम्लिङ सिक्किम राज्य सभामा पराजित

सेतोपत्र डेस्क आइतबार, जेठ २०, २०८१

झापा, जेठ २० । भारतको उत्तरपुर्वी राज्य सिक्किमको पाँच पटक मुख्यमन्त्री बन्नु भएका पवन चाम्लिङ यस पटक राज्यसभा निर्वाचनमा पराजित हुनु भएको छ । सिक्किममा दुई निर्वाचन क्षेत्रबाट उम्मेदवारी दिनु भएका चाम्लिङ दुवै क्षेत्रबाट पराजित हुनु भएको हो । पोकलोक कामराङ र नाम्चेबुङ दुवै निर्वाचन क्षेत्रमा चाम्लिङले हार व्यहोर्नु परेको छ ।

सिक्किम लोकतान्त्रिक मोर्चा (एसडीएफ)का अध्यक्ष चाम्लिङ पोकलोकमा सिक्किम क्रान्तिकारी मोर्चा (एसकेएम) का भोजराज राईसँग ३ हजार ६३ मतले पराजित हुनु भयो भने नाम्चेबुङमा १९५३ मतले पराजित हुनु भएको छ । सिक्किम राज्य सभाको निर्वाचनका लागि चाम्लिङको दल एसडीएफले ५ लाखसम्मको ऋण मिनाहका कार्यक्रमसमेत ल्याएको थियो । तर जनताले त्यस कुरालाई विश्वास गरेनन र चाम्लिङ सहित उहाँको दललाई समेत भोट दिएनन ।

सिक्किमका जनताले एसकेएमलाई भारी मत दिएका छन । ३२ सिटको सिक्किम राज्य सभामा एसकेएमले अहिलेसम्म २१ सिटमा जित हात पारिसकेको भने अन्य स्थानमा पनि अग्रता कायम गरेको छ ।
एसकेएमले बहुमत पाएसंग त्यस पार्टीका अध्यक्ष तथा वर्तमान मुख्यमन्त्री प्रेससिंह तामाङ (पिएस गोले) पुन मुख्यमन्त्री बन्ने निश्चित भएको छ ।

प्रकाशित मिति: आइतबार, जेठ २०, २०८१ १९:१०