कोरोनाको नयाँ स्वरुप विश्वका २३ मुलुकमा फैलियो

बिदेश

गृहपृष्ठ
बिदेश

सेतोपत्र डेस्क बिहीबार, मंसिर १६, २०७८

झापा, मंसिर १६ । दक्षिण अफ्रिकामा देखा परेको कोरोनाको ओमिक्रोन स्वरुप विश्वका २३ मुलुकमा फैलिएको छ । विश्व स्वास्थ्य सङ्गठनका अनुसार अफ्रिकी मुलुक बोत्सवासहित विश्वका २३ मुलुकमा हालसम्म कोरोना भाइरसको नयाँ स्वरुप ओमिक्रोन फेला परिसकेको छ । सङ्गठनले आफ्नो नियमित मिडिया ब्रिफिङ्गको क्रममा हालसम्म भारत, अमेरिका, अस्ट्रेलिया, बेल्जियम, जापान, डेनमार्क, ब्राजिलसहित विश्वका २३ मुलुकमा कोरोनाको नयाँ ओमिक्रोन स्वरुप फेला परेको बताएको हो ।

सङ्गठनका महानिर्देशक डा.टेड्रोस एड्हनोम घेबे्रयससले ओमिक्रोन स्वरुप पुष्टि भएको हामीले पत्ता लगाएपनि यसले गराउने गम्भीरता, यसको सङ्क्रमण गराउने क्षमताबारे अध्ययन र अनुसन्धान हुन बाँकी नै रहेको बताउनुभयो । उहाँले हालसम्म २३ मुलुकमा फैलिएपनि यसले छिटै विश्वलाई आफ्नो चपेटामा लिन सक्ने भएकाले सबैलाई जनस्वास्थ्यका मापदण्ड पालना गर्न आग्रह गर्नुभयो । उहाँले कोरोनाको ओमिक्रोनबारे विश्व स्वास्थ्य सङ्गठनले अध्ययन र अनुसन्धान गरिरहेको बताउँदै डे्ल्टापछिको यो सबैभन्दा बढी सङ्क्रामक हुन सक्ने बताउनुभयो ।

प्रकाशित मिति: बिहीबार, मंसिर १६, २०७८ १८:०४