छोरालाई पनि संस्कार सिकाऔं

बिचार/ ब्लग

गृहपृष्ठ
बिचार/ ब्लग

सेतोपत्र डेस्क सोमबार, भदौ १०, २०८१

शुशिला रिजाल ।

आजकल सामाजिक सञ्जालमा देखीएको महिला हिंसाले सबैको मन बिछिप्त बनाएको छ । अझ घटना घटेको परिवारलाई कस्तो परेको होला त्यो आफनै परिवारमा परेको कल्पना गर्न सकिन्न।दैनिकी नै बन्दै गएको छ समाचारको मुख्य बिषय, बलात्कार, आत्महत्या र हत्या ।

यस्ता घटनाले कति परिवार बर्बाद नै भएको छ।अझ हाम्रो जस्तो मुलुकमा पढ्न सर्घष अनि रोजगार कहाँ गर्ने के गर्ने सबै अलमल छ । त्यसलाइ चिर्दै घर गाउँ छोडेर शहर अनि वैदेशिक यात्रासगै सामाजिक परम्परा बैबाहिक जीवन पनि छ। यी सबैलाई निरन्तरता दिदै दुइ परिवार बिचमा बनेको सम्बन्धलाई जिवन्त दिन त दुबै को दायित्व हुन्छ सगै आत्मसम्मान र बिचार मिल्नुपर्छ ।

बिचार मिल्दैन, एक अर्काको भावनाको कदर हुन्न भने दुबै परिवारले बाध्य पनि नबनाओस त्यस्तो सम्बन्धमा रहिरहन। सामाजिक पारिवारिक मूल्य मान्यतालाइ जोगाउन तब सकिन्छ जहाँ सबैकुरा सम्भव हुन्छ । असम्भव हुदाहुदै बनेको सम्बन्धले हो अहिलेका घटना जुन सुन्न पनि सकिन्न।

त्यसकारण छोरीलाइ सधै सस्कारको नाममा डर त्रास देखाएर असुरक्षित हुने मन भित्र भित्रै कमजोरी बनाउने हाम्रो चलन नै छ । १२ बर्षकी छोरी बाहिर जादा ४ बर्षको भाइ साथी पठाउने हाम्रो समाजको सोचाईले छोरीलाई सधै म कमजोर छु भन्ने भावना उपन्न गराइरहेको छ ।

घर, परिवार र समाज सभ्य निर्माण गर्न छोरीलाई जस्तै सस्कार छोरा लाई पनि दियौं । अरुको छोरी पनि आफ्नै हो भन्ने सम्झिऔं र बिचार नमिलेर समन्ध बिग्रेको छोराछोरी लाई स्वीकार गरौ घर परिवार र समाज सुधारका दायित्व महिला पुरुष सबैको हो । महिला हिंसा पुरुष हिंसा सबैको न्यूनीकरण गर्ने जिम्मेवारी हाम्रो हो।

प्रकाशित मिति: सोमबार, भदौ १०, २०८१ ०८:२६