तेराखको स्मृति दिवसमा बृक्षारोपण र काव्य सभा

कला/साहित्य

गृहपृष्ठ
कला/साहित्य

सेतोपत्र डेस्क आइतबार, असार १६, २०८१

धुलाबारी, असार १६ । साहित्यकार तेजराज खतिवडा (तेराख) को तेस्रो स्मृति दिवसको अवसरमा आज धुलाबारीमा बृक्षारोपण र काव्य सभा सम्पन्न गरिएको छ । तेराख प्रतिष्ठानले संस्थाको कार्यालयमा आयोजना गरेको कार्यक्रममा प्रतिष्ठानको कार्यालय परिषरमा अम्बक फलको बिरुवा रोपण गरिएको थियो । सोही अवसरमा आयोजित काव्य सभामा झापाका १२ जना कविहरुले आ आफ्ना रचना वाचन गर्नु भएको थियो ।

संस्थाका अध्यक्ष शिवकुमार पौडेलको अध्यक्षतामा धुलाबारी बजारस्थीत प्रतिष्ठानकै कार्यालयमा सम्पन्न कार्यक्रममा प्रमुख अतिथि साहित्यकार बिरही अधिकारी, हरिचरण बानियाँ, साँसक प्रतिष्ठानका अध्यक्ष छविलाल खतिवडा, सिरो सन्दाई, टिका भट्टराई, चन्द्र भण्डारी, साहित्यकार तारा विविध लगायतले स्वर्गिय तेजराज खतिवडाको योगदानको चर्चा गर्नु भएको थियो । कार्यक्रममा साविक इरौंटार र शान्तिनगर क्षेत्रका अग्रज तथा देशलाई योगदान दिएकाहरुको जीवनी समेटेर पुस्तक प्रकासित गर्ने बिषयमा समेत छलफल भएको तेराख प्रतिष्ठानका संरक्षक लेखनाथ खतिवडाले बताउनु भयो ।

प्रतिष्ठानका उपाध्यक्ष दुर्गा खतिवडाले स्वागत गर्नु भएको कार्यक्रममा प्रतिष्ठानका संरक्षक समेत रहनु भएका तेराखका जेठा छोरा लेखनाथ खतिवडाले तेराखको जिवनीका बारेमा प्रकाश पार्नु भएको थियो । कार्यक्रम प्रतिष्ठानका सचिव जय भण्डारीकाे सञ्चालनमा सम्पन्न भएको थियो ।

प्रकाशित मिति: आइतबार, असार १६, २०८१ २०:०९