आरिफ शेखको उत्कृष्ट व्याटिङको मद्दतले नेदरल्याण्ड्सबिरुद्ध नेपाल विजयी

खेलकुद

गृहपृष्ठ
खेलकुद

आरिफ शेखको उत्कृष्ट व्याटिङको मद्दतले नेदरल्याण्ड्सबिरुद्ध नेपाल विजयी आइसिसी विश्वकप लिग टु प्रतियोगिता

सेतोपत्र डेस्क बिहीबार, जेठ २३, २०८२

झापा, जेठ २२ । नेपाली व्याट्सम्यान आरिफ शेखको उत्कृष्ट व्याटिङको मद्दतले नेपालले नेदरल्याण्ड्सलाई ५ विकेटले हराएको छ । आइसिसी विश्वकप लिग टु अन्तर्गतको नेदरल्याण्ड्सविरुद्धको खेलमा नेपालका ब्याटर आरिफ शेखले ७८ रनको उत्कृष्ट इनिङ खेलेका थिए । नेदरल्याण्ड्स दिएको २२६ रनको चुनौतिलाई पच्छ्याउनेक्रममा नेपालले ५ विकेटको क्षतिमा ४७.१ ओभरमा नै विजयी रन बनाएको थियो । नेपालको विजयमा ‘प्लेयर अफ द म्याच’ घोषित भएका आरिफले ९९ बलको सामना गर्दै ७ चौका र २ छक्का प्रहार गरी ७८ रन बनाएका थिए । एक दिवशीय क्रिकेटमा आरिफको यो आठौं अर्धशतक हो ।

नेपालका लागि दिपेन्द्रसिंह ऐरीले ३८, कुशल भुर्तेलले २५, कप्तान रोहित पौडेलले २३ र आसिफ शेखले १९ रन बनाएका थिए । त्यस्तै नेपाली बलरहरु सोमपाल कामीले ३ तथा करन केसी, सन्दीप लामिछाने र ललित राजबंशीले समान २ २ विकेट लिएका थिए ।

स्कटल्याण्डको डुन्डीमा बुधबार भएको खेलमा टस जितेर पहिला व्याटिङ गरेको नेदरल्याण्ड्स सबै विकेट गुमाएर २२५ रन बनाएको थियो । यो जितसंगै आइसिसी विश्वकप लिग टुमा नेपाल १४ खेलमा ४ जित र ८ हार तथा दुई नतिजा विहिन गरी १० अंक सहित तालिकाको सातौं नम्बरमा रहेको छ ।

प्रकाशित मिति: बिहीबार, जेठ २३, २०८२ ०६:४२

प्रतिक्रिया दिनुहोस्