दोस्रो ‘झापा १–काठमाडौं कप’ फुटसल प्रतियोगिता हुँदै

खेलकुद

गृहपृष्ठ
खेलकुद

सेतोपत्र डेस्क बिहीबार, साउन २८, २०८३

काठमाडौं, साउन २८ । नेपाली कांग्रेस झापा १–काठमाडौं सम्पर्क समिति, काठमाडौंले दोस्रो ‘झापा १–काठमाडौं कप’ फुटसल प्रतियोगिता आयोजना गर्ने भएको छ । समितिका अनुसार प्रतियोगिताको पहिलो संस्करणको सफलतापछि दोस्रो संस्करण आगामी २०८३ साल श्रावण ३० गते शनिबार लिटल एन्जल्स स्कुल, हात्तीवन, ललितपुरमा सञ्चालन हुनेछ। प्रतियोगिताको उद्घाटन नेपाली कांग्रेस सभापति गगन थापाले गर्ने कार्यक्रम रहेको आयोजकले जनाएको छ।

प्रतियोगितामा झापा क्षेत्र नं. १ अन्तर्गतका सातवटा टिम सहभागी हुनेछन्। साथै प्रतियोगिताको अवसरमा तीनवटा मैत्रीपूर्ण खेल समेत सञ्चालन गरिने आयोजकले जनाएको छ। प्रतिस्पर्धात्मक खेलतर्फ झापा क्षेत्र नं. १ का ३० वर्षमुनिका युवा खेलाडीहरूले सहभागिता जनाउनेछन्।

मैत्रीपूर्ण खेलतर्फ झापा जिल्लाबाट प्रतिनिधित्व गर्ने गरी राजनीतिक दल र कलाकारबीचको खेल, कर्मचारी तथा पेशा–व्यवसायीबीचको खेल र महिलाहरूको दुई टिमबीचको खेल सञ्चालन गरिनेछ।

प्रकाशित मिति: बिहीबार, साउन २८, २०८३ १८:१३