बेंगलुरुले जित्यो आइपिएलको उपाधी

खेलकुद

गृहपृष्ठ
खेलकुद

बेंगलुरुले जित्यो आइपिएलको उपाधी

सेतोपत्र डेस्क बुधबार, जेठ २२, २०८२

पहिलो पटक उपाधी जिते पछि खुसी हुँदै विराट कोहली ।

झापा, जेठ २१ । क्रिकेटको सर्बाधिक लोकप्रिय प्रतियोगिता इन्डियन प्रिमियर लिग (आइपिएल) २०२५ को उपाधी रोयल च्यालेन्जर्स बेंगलुरु (आरसिबी) ले जितेको छ । पहिलो आइपिएल उपाधी जित्दै बेंगलुरुका मुख्य खेलाडी बिराट कोहलीले कप्तान रजत पाटिदारसंगै आइपिएलको ट्रफि उचालेका छन । अहमदाबादस्थित नरेन्द्र मोदी स्टेडियममा भएको आइपिएल २०२५ को रोमाञ्चक फाइनल खेलमा आरसीबीले पन्जाब किङ्सलाई ६ रनले पराजित गर्दै पहिलो पटक ट्रफी उचालेको हो ।

पहिले ब्याटिङ गरेको आरसीबीले निर्धारित २० ओभरमा ९ विकेट गुमाएर १९० रन बनाएको थियो । जवाफमा पन्जाब किङ्सले पूरा ओभर खेल्दै १८४ रन मात्र बनाउन सक्यो र उपाधि जित्नबाट चुक्यो । आरसीबीका लागि अनुभवी ब्याट्सम्यान विराट कोहलीले सर्वाधिक ४३ रनको योगदान दिए । उनले ३५ बलको सामना गर्दै ३ चौका प्रहार गरे । पन्जाब किङ्सका लागि बलिङतर्फ अर्शदीप सिंह र काइल जेमिसनले उत्कृष्ट प्रदर्शन गर्दै ३–३ विकेट लिएका थिए ।