युवा संघ मेचीनगर १ र २ को सपथ ग्रहण सम्पन्न

राजनिति

गृहपृष्ठ
राजनिति

सेतोपत्र डेस्क आइतबार, फागुन ६, २०८०

बाहुनडाँगी, फागुन ५ । नेकपा एमालेको युवा संगठन राष्ट्रिय युवा संघ मेचिनगर वडा नं. १ र २ को संयुक्त सपथ ग्रहण तथा प्रशिक्षण कार्यक्रम सम्पन्न भएको छ । हिजो मेचीनगर १ गाडागल्लीमा सम्पन्न कार्यक्रममा नव निर्वाचित पदाधिकारीहरुलाई सपथ ग्रहण तथा प्रशिश्रण गराइएको थियो । केही समय अघि मेचीनगर १ का मोहन सुब्बा र २ नम्बरमा प्रियन दर्जीको नेतृत्वमा समिति गठन भएको थियो ।

राष्ट्रिय युवा संघ मेचीनगर कमिटि सचिवालय सदस्य तथा १ नं वडा इन्चार्ज सागर खडकाको अध्यक्षतामा तथा राष्ट्रिय युवा संघ जिल्ला कमिटी सचिवालय सदस्य तथा मेचीनगर इन्चर्ज कृष्ण श्रेष्ठको प्रमुख आतिथ्यतामा सम्पन्न कार्यक्रममा जिल्ला कमिटि सदस्य सन्जु तिम्सिना, युथ फोर्स केन्द्रीय सदस्य सुरेन कन्दङ्वा र पार्टीका नेताहरुको उपस्थितिमा रहेको थियो । कार्यक्रममा पार्टीका वडा नम्बर १ का अध्यक्ष भरत तामाङ ,इन्चार्ज पासाङ तामाङलगायतले बोल्नु भएको थियो ।

समितिलाई प्रशिश्रण तथा सपथ ग्रहण प्रमुख अतिथि श्रेष्ठले गराउनु भएको थियो । वडा नम्बर २ का इन्चार्ज दिपेश लामाले स्वागत गरेको कार्यक्रमको सञ्चालन मेचीनगर कमिटि सदस्य प्रदिप गिरीले गर्नु भएको थियो ।

प्रकाशित मिति: आइतबार, फागुन ६, २०८० ०७:३०