झापामा एन्टीस्नेक भेनम काहाँ कति छ ?

स्थानीय

गृहपृष्ठ
स्थानीय

सेतोपत्र डेस्क शुक्रबार, साउन २९, २०८३

मेचीनगर, साउन २९ । केही समयदेखि अभाव भएको भनिएको सर्पदंशको औषधी (एन्टीस्नेक भेनम) झापामा भने केही मात्रामा उपलब्ध रहेको बताईएको छ । झापाका चारवटा सर्पदंश उपचार केन्द्रहरुमा गरी जम्मा ५२२ भाइल एन्टीस्नेक भेनम उपलब्ध रहेको स्वास्थ्य कार्यालय झापाले जनाएको छ ।

स्वास्थ्य कार्यालयले दिएको जानकारी अनुसार मेचीनगरको चारआलीस्थीत सर्पदंश उपचार केन्द्रमा ४० भाइल एन्टीस्नेक भेनम मौजात रहेको छ । त्यस्तै कनकाई नगरपालिकाको कोटीहोमस्थीत सर्पदंश उपचार केन्द्रमा ८० भाइल छ भने दमक नगरपालिकामा रहेको सर्पदंश उपचार केन्द्रमा २०० भाइल र कचनकवलमा रहेको सर्पदंश उपचार केन्द्रमा २०२ भाइल मौजात रहेको जिल्ला स्वास्थ्य कार्यालय झापाका स्टोर शाखाका युवनाथ बरालले जानकारी दिनुभयो ।

वहाँका अनुसार एक भाइलमा ४ डोज एन्टीस्नेक भेनम रहेको हुन्छ । पछिल्लो समय देशैभर सर्पदंशको भ्याक्सिन अभाव भएको छ । संघीय सरकारले आजदेखि मात्रै सर्पदंशको औषधी प्रदेशस्तरमा पठाउने जानकारी गराएको थियो ।

प्रकाशित मिति: शुक्रबार, साउन २९, २०८३ १७:१४