वर्षा बाधक नभए आज नेपालले इतिहास रच्ने

खेलकुद

गृहपृष्ठ
खेलकुद

वर्षा बाधक नभए आज नेपालले इतिहास रच्ने एसिया कप २०२३

केशव पोखरेल सोमबार, भदौ १८, २०८०

पाकिस्तान र श्रीलंकामा जारी १६ औं संस्करणको एसिया कप क्रिकेट प्रतियोगितामा आज नेपालले भारतको सामना गर्दैछ । श्रीलंकाको केण्डि अवस्थित पल्लिकेले अन्तर्राष्ट्रिय क्रिकेट स्टेडियममा हुने आजको खेल बर्षाले प्रभावित हुने सम्भावना बढिरहेको छ । श्रीलंकाको मौसम विभागले जनाए अनुसार आज केण्डिमा वर्षाको अधिक सम्भावना रहेकोछ । यदि वर्षा बाधक नभए नेपालले आज नेपाली क्रिकेट इतिहासमा एउटा थप इतिहास रच्ने छ ।

यहि प्रतियोगिताको आफ्नो पहिलो खेलमा विश्व बरियतामा नम्बर एकमा रहेको पाकिस्तानको सामना गरेको नेपालले आज विश्व वरियताको तेस्रो स्थानमा रहेको भारतको पहिलो पटक सामना गर्दै इतिहास बनाउनेछ । अझ जित निकाल्न सके विश्व खेल जगतमा ठुलै चर्चा बटुल्नेछ नेपालले । तर विश्व क्रिकेटमा सुविधा सम्पन्न भारत र सर्वाधिक सुविधा सम्पन्न तथा अनुभवी विश्वस्तरीय भारतीय खेलाडीहरुसँग नगण्य सेवा सुविधा र न्यून खेल अनुभव रहेका नेपाली खेलाडीहरुका लागि आजको खेलमा जित निकाल्नु फलामको चिउरा चपाए सरह हुनेछ । तथापि अनिश्चितताका खेलको रुपमा हेरिने क्रिकेट खेलमा अन्तिम बलसम्म पनि नतिजा कसको पक्षमा जानेछ भन्न गाह्रो भएका धेरै इतिहासहरु छन् , त्यसमा आजको खेल नपर्ला भन्न सकिदैन ।

नेपाली समयानुसार दिनको ३:१५ मा सुरु हुनुपर्ने आजको खेल वर्षाका कारण समयमा सुरु हुन नसकेर एक घण्टा भित्र वर्षा रोकिए ओभर घटाएर पनि खेलाइनेछ र त्यो पनि सम्भव नभए खेल रद्ध गरी दुवै टिमलाई १/१ अंक प्रदान गरिनेछ, जसले भारत प्रतियोगिताको सुपर फोरमा जानेछ भने नेपालले भारतसँग खेल्ने सपना पुनः थाँति राख्दै स्वदेश फर्कनु पर्नेछ ।

सम्भावनाले भरिएका नेपाली खेलाडीहरुका अगाडि भारतका अनुभवी खेलाडीहरुलाई पाकिस्तानसँगको पहिलो खेल रद्ध हुनुले दबाब सृजना गरेकोछ नै त्यस माथि उनीहरुको उत्कृष्ट बलर जस्प्रित बुमराह व्याक्तिगत कारणले देश फर्किएकाले थप दबाब परेको देखिन्छ । तथापि अघिल्लो खेलको तुलनामा आफ्नो ब्याटिङ र फिल्डिङमा सुधार नगरे रोहित शर्माको नेतृत्वमा मैदानमा उत्रने भारतीय टोलीसँग रोहित पौडेलको नेतृत्वमा मैदानमा उत्रने नेपाली टोलीलाई आजको खेल अनुभव बटुल्ने अवसरबाहेक अरु केही हुने छैन ।

प्रकाशित मिति: सोमबार, भदौ १८, २०८० ११:४२