कोशी प्रदेश सरकारः मुख्यमन्त्री थापा र दुई मन्त्रीले लिए शपथ

राजनिति

गृहपृष्ठ
राजनिति

सेतोपत्र डेस्क शुक्रबार, असार २२, २०८०

नवनियुक्त मुख्यमन्त्रीलाई पद तथा गोपनियताको शपथ गराउँदै प्रदेश प्रमुख खापुङ ।

बिराटनगर, असार २२ । कोशी प्रदेशका नवनियुक्त मुख्यमन्त्री उद्धव थापाले पद तथा गोपनीयताको शपथ लिनु भएको छ । सभामुखसहितको मत जोडेर बिहीबार साँझ मुख्यमन्त्री नियुक्त हुनु भएका थापाले आज प्रदेश प्रमुख पर्शराम खापुङसँग शपथ लिनु भएको हो ।

थापाले आजै सानो मन्त्रीमण्डल गठन गर्नु भएको छ । मुख्यमन्त्री थापाले आजै दुई जना मन्त्रीहरुलाई समेत शपथ खुवाउनु भएको छ । काँग्रेसबाट प्रदीपकुमार सुनुवार र नेकपा एकीकृत समाजवादीबाट कमल प्रसाद जबेगुले मन्त्रीको शपथ लिनु भएको छ ।

माओवादी केन्द्रबाट कसलाई मन्त्री बनाउने भन्ने टुङ्गो लागि नसकेकाले आज माओवादीले मन्त्री नपाठाएको बताइएको छ । कोशी प्रदशेका मुख्यमन्त्री उद्धव थापाले सत्तागठबन्धन दलका २ जनालाई समेटेर मन्त्रिपरिषद् विस्तार गर्नु भएका हो । नवनियुक्त मन्त्रीलाई नवनियुक्त मुख्यमन्त्री उद्धव थापाले आज प्रदेश प्रमुखको कार्यालयमा शपथ गराउनु भएको हो ।

प्रकाशित मिति: शुक्रबार, असार २२, २०८० १८:३४