नवज्योति फुटबल कप : आयोजक फाइनलमा

खेलकुद

गृहपृष्ठ
खेलकुद

सेतोपत्र डेस्क सोमबार, फागुन ८, २०७९

मेचीनगर, फागुन ८ । उत्कृष्ट जित निकाल्दै आयोजक समेत रहेको नवज्योति युवा क्लब मेचीनगर ३ बडाखालमा जारी नकआउट फुटबल प्रतियोगिताको फाइनलमा प्रवेश गरेको छ ।

आइतबार भएको दोस्रो सेमी फाइनल खेलमा ब्रर्दश युनाइटेड क्बल चन्द्रगढीलाई २–० को गोल अन्तरले हराउँदै आयोजकले फाइनलमा स्थान बनाएको हो ।

आयोजकको जितमा खेलको ३७ औँ मिनेटमा जर्सी नं १० का विशाल राईले १ गोल गर्दै टिमलाई अग्रता दिलाए । पहिलो हाफमा १ गोलको अग्रता कायम राखेको आयोजकले खेलको ७५ औँ मिनेटमा पुन अर्को गोल गर्यो ।

आयोजकबाट ७ नं जर्सी लगाएर मैदान उत्रिएका पुजन राईले दोस्रो गोल गरेका हुन् । जितसगैँ आयोजकले भोली (मंगलबार) हुने फाइनल खेलमा न्यू स्टार बुद्धशान्तिसगँको भेट पक्का गरेको छ ।

आइतबारको खेलको म्यान अफ द म्याच विजेता टिमका लागि पहिलो गोल गर्न सफल विशाल राई घोषित बने । उनले नगदसहित मेडल प्राप्त गरेका छन् ।

आयोजकका अनुसार आज भने खेल हुने छैन । गत माघ २८ गतेबाट शुरु भएको खेल मेचीनगर ३ स्थित नवज्योति आधारभुत विद्यालयको खेल मैदानमा जारी छ ।

प्रकाशित मिति: सोमबार, फागुन ८, २०७९ ०६:०१