अर्जेन्टिना र फ्रान्स नकआउट चरणमा

खेलकुद

गृहपृष्ठ
खेलकुद

केशव पोखरेल बिहीबार, मंसिर १५, २०७९

विश्व कप फुटबल २०२२ काे गए राति सम्पन्न समूह सि र डि का अन्तिम खेल पश्चात् अर्जेन्टिना र फ्रान्स सँगै अष्ट्रेलिया र पाेलेण्ड नकआउट चरणमा प्रवेश गरेका छन् । समूह सि बाट आफ्नो अन्तिम खेलमा पाेलेण्ड विरुद्ध २-० काे जित निकाल्दै समूह विजेताकाे रुपमा अर्जेन्टिना अघिल्लो चरण प्रवेश गरेकाे हाे भने यहि समुहकाे अर्को खेलमा मेक्सिको ले साउदी अरबलाई २-१ ले हराउदा मेक्सिको सँग समान ४ अंक भएकाे पाेलेण्ड अर्जेन्टिना सँग हारे पनि गाेल अन्तरकाे आधारमा अर्को चरण प्रवेश गर्ने भाग्यमानी टिम बन्याे । यसैगरी गए राति नै सम्पन्न समूह डि काे अन्तिम खेलमा डेनमार्कलाई १-० ले हराउँदै अष्ट्रेलियाले समुहमा उपविजेता हुँदै अर्जेन्टिनासँगकाे भेट पक्का गरेकाे छ । त्यस्तै साेहि समुहकाे अर्को खेलमा अघिल्ला दुई खेल जितेर नकआउटमा आफ्नो स्थान पक्का गरिसकेकाे फ्रान्सलाई १-० ले हराउँदा पनि टुनिसिया अंककाे आधारमा तेस्रो स्थानमा रहेकाले नकआउट चरण प्रवेश गर्न असफल रह्यो । यसैगरी आज पनि समूह चरणका ४ खेलहरु हुनेछन् ।

समूह ई र एफ अन्तर्गत रहेका राष्टहरु बिच राति ८:४५ मा दुई खेल र १२:४५ दुई खेलहरु हुनेछन । समूह ई अन्तर्गत आफ्नाे अन्तिम खेलमा उत्कृष्ट लयमा रहेकाे स्पेनले पहिलाे खेलमा जर्मनीलाई हराएर सनसनि मच्चाएकाे जापनकाे सामना गर्नेछ भने अर्को खेलमा समुहकाे पुछारमा रहेकाे जर्मनीले तेस्रो स्थानमा रहेकाे काेष्टारिकाकाे सामना गर्नेछ । समुहमा ४ अंक सहित शिर्ष स्थानमा रहेकाे स्पेनलाई जितले सहजै अघिल्लो चरण पुर्‍याउने छ भने हार वा बराबरीले अरु दुई राष्ट्रकाे खेलकाे नतिजामा भर पर्नुपर्ने छ । यस्तै यसै समुहमा जर्मनीका लागि जित पनि अर्को समूह प्रवेस काे अंक गणितिय आधार मात्र बन्नेछ ।अर्थात उसले जित निकाल्दा पनि यसै समुहकाे अर्काे खेलकाे नतिजामा भर पर्नु पर्नेछ ।

यसैगरी जापानले जितेमा सहजै अर्को चरणमा पुग्नेछ भने हारेमा घर फर्कनु विकल्प छैन तर बराबर भएमा अंक गणितिय आधार विजितै रहनेछ । यसै समुहमा काेष्टारिकाकाे लागि पनि जितले नकआउट चरण बाटाे खाेल्नेछ भने बराबरी हुदा स्पेन र जापानकाे खेलकाे नतिजा हेर्नू पर्नेछ तर हारले भने झिने आशा मात्र रहनेछ अर्थात त्यस्तो हुदा उता अर्काे खेलमा जापानले स्पेनसँग ठुलाे गाेल अन्तरले हार्नुपर्ने हुन्छ । अर्को तर्फ समूह एफमा रहेकाे क्यानडाकाे आफ्नो अन्तिम खेल ओपचारिकतामा मात्र सिमित बनेकाे छ । दुवै खेल हारेर अंक बिहिन रहेकाे क्यानडाले अन्तिम खेलमा ४ अंक सहित समुहकाे दाेस्राे स्थानमा रहेकाे माेरक्काेकाे सामना गर्नेछ । उसले जितेर यहि समुहकाे अर्काे खेलमा ४ अंक सहित समुहकाे शिर्ष स्थानमा रहेकाे क्राेएसियाले बेल्जियमलाई फराकिलाे गाेल अन्तरले हराएमा मात्र क्यानडा अन्तिम साेर्हमा पुग्नेछ जुन असम्भव देखिन्छ ।उता क्राएसियाकाे लागि बराबरी नै अघिल्लो चरण जाने बाटाे बन्नेछ भने हारेकाे खण्डमा अर्काे दुई टिमबिचकाे नतिजामा भर पर्नुपर्नेछ ।

यसैगरी बेल्जियमका लागि पनि जित अघिल्लो चरण प्रवेशकाे बाटाे हुनेछ भने हारले घर फर्काउने छ तर बराबरीले अंकगणितिय आशा रहनेछ जुन माेराेक्काे र क्यानडाकाे खेलकाे नतिजामा निर्भर रहनेछ ।यसै गरि साेहि समुहमा क्राेएसियाकाे जित वा बराबरी उसकाे लागि नकआउट चरण प्रवेश गर्ने बाटाे हुनेछ भने हार्दा पनि अर्को खेलकाे नतिजाले उसलाई अर्को चरणमा पुर्याउन सक्नेछ ।

प्रकाशित मिति: बिहीबार, मंसिर १५, २०७९ ०९:०२