रुबिनाको कप्तानीमा पुलिस क्लबले पहिलोपटक महिला क्रिकेट टोली बनायो

खेलकुद

गृहपृष्ठ
खेलकुद

रुबिनाको कप्तानीमा पुलिस क्लबले पहिलोपटक महिला क्रिकेट टोली बनायो

सेतोपत्र डेस्क बिहीबार, असोज १३, २०७९

झापा, असोज १३ । नेपाल पुलिस क्लबले नवौं राष्ट्रिय खेलकुद अन्तर्गतको महिला क्रिकेटका लागि टोली घोषणा गरेको छ।पुरुषमा लामो समयदेखि बलियो टोलीको रुपमा रहँदै आएको पुलिसले महिला टोली भने पहिलो पटक बनाएको हो । पुलिसले महिला नेपाली राष्ट्रिय क्रिकेट टोलीकी कप्तान रुबिना क्षेत्रीको कप्तानीमा १४ सदस्सीय टोलीको घोषणा गरेको हो ।

गण्डकी प्रदेशमा आयोजना हुने नवौं राष्ट्रिय खेलकुद असोज २८ देखि कात्तिक ३ सम्म आयोजना हुनेछ । जसमा महिला क्रिकेट पोखरामा आयोजना हुनेछ । नेपाल पुलिसको महिला टोली महिला क्रिकेटमा दोस्रो विभागीय टिम बनेको छ । नेपाल एपीएफ क्लबको महिला टोली लामो समयदेखि घरेलु क्रिकेटमा सक्रिय रहेको छ ।

प्रकाशित मिति: बिहीबार, असोज १३, २०७९ १८:४०