सूरु भयो टि ट्वान्टि विश्वकप क्रिकेट २०२१

खेलकुद

गृहपृष्ठ
खेलकुद

केशव पोखरेल सोमबार, कात्तिक १, २०७८

झापा, कार्तिक १ । आइतबारबाट टि ट्वान्टि विश्वकप क्रिकेट २०२१ शुरुवात भएको छ । समूह चरण अन्तर्गत समूह बि का दुईवटा खेलहरु सम्पन्न भएकाछन् । उद्घाटन खेलमा आयोजक ओमनले पपुवा न्युगिनियालाई हराउदै अघिल्लो चरण प्रवेशका लागि महत्त्वपूर्ण २ अंक जोडेको छ । त्यस्तै आइतबार भएको दोस्रो खेलमा बंगलादेशलाई हराउदै स्कटल्याण्डले पनि आफ्नो खातामा २ अंक जोड्न सफल भएको छ । यसैक्रममा सोमबार समूह ए अन्तर्गतका दुईवटा खेलहरु हुदैछन् । दिउँसो ३ः४५ मा आयरल्याण्डले नेदरल्यान्डस् को सामना गर्दा वेलुकि ७ः४५ मा श्रीलंकाले नामिवियाको सामना गर्नेछ । संयुक्त अरब इमरिट्स् को आबुधावि हुने यी खेलहरु मध्ये दोस्रो खेल निकै नै रोमाञ्चक रहने अनुमान गर्न सकिन्छ ।

दुईपटकको उपविजेता तथा २०१४ को विजेता श्रीलंका आई सि सि को वरियता अनुसार सिधै राउन्ड १२ मा स्थान बनाउन नसेकाका कारण समूह चरणबाट आफ्नो यो संस्करणको विश्व कप यात्रा शुरु गर्दै छ आज । उसको लागि नामिविया सँगको आजको खेल आफ्नो साख बचाउनका साथै विश्वकपको यात्रालाई सुखद बनाउन पनि जित्नै पर्ने हुन्छ भने क्रिकेटमा त्यति धेरै ठुलो सफलता हात पार्न नसकेको नामिविया, अघिल्लो चरण प्रवेशिका लागि जितले नै बाटो सहज वनाउने दाउमा हुनेछ । स्मरण रहोस समूह चरणमा रहेका दुई समुहका उत्कृष्ट दुई टोलि राउन्ड अफ १२ मा प्रवेश गर्नेछन् ।