आजदेखि शुरु हुँदै युरोकप फुटबल

खेलकुद

गृहपृष्ठ
खेलकुद

केशव पोखरेल शुक्रबार, जेठ २८, २०७८

विश्व खेल जगतमा सर्वाधिक लोकप्रिय खेल फुटबल को विश्वकप पछि चर्चित प्रतियोगिता युरोकप आज देखि शुभारम्भ हुदैछ । नेपाली समयानुसार आज मध्य राति १२स् ४५ बाट युरोपियन देशहरुको भिडन्त इटलीको रोम शहरमा अवस्थित द स्टुडियो ओलम्पिक स्टेडियममा फिफा रेकिंगमा सातौं स्थानमा रहेको इटली र २९ औं स्थानमा रहेको टर्की बिचको खेलबाट उद्घाटन हुदैछ । १९६८ को युरोकप विजेता इटली आफ्नो १० औ पटकको युरो सहभागिता जनाउन छनौट चरणमा शत प्रतिसत नतिजा आफ्नो पक्षमा राख्दै छनौट भएको हो भने आजको उसको विपक्षि टर्की हालसम्म क्वाटरफाइनल भन्दा अगाडि जान नसकेको टिम हो । यद्यपि छनौट चरणमा समूह एच मा दोस्रो रहदै आफुलाई एउटा अव्वल टिमको रुपमा यो युरोमा सहभागीता जनाउन आइपुगेकोछ । टर्कीका पुर्व गोलकिपर सेनोल गुयन्सको प्रशिक्षणमा रहेको टर्किलाई इटली जस्तो विश्व विजेता भइसकेको राष्ट्रलाई हराउन भने त्यति सहज छैन ।

विगतमा यि राष्ट्रहरुको फुटबल भिडन्त लाई हेर्दा पनि अन्तिम १० खेलमा ३ ड्र र ७ जित इटलीको पक्षमा देखिन्छ । २०१६ को संस्करणमा क्वाटरफाइनल सम्मको यात्रा तय गरेको इटलि रोवटो म्यानसिनिको प्रशिक्षणमा मैदानमा उत्रदै छ यो पटक ।जिरजियो चिलिनि जस्ता उत्कृष्ट रक्षापङ्तिका खेलाडिको कप्तानि रहेको इटलिमा सेल्भाटो सरजियो जस्ता उत्कृष्ट गोलकिपर छन भने डि लोरेन्ज, लियोन्दो स्पेजोला जस्ता नामि रक्षापङ्तिका खेलाडिहरु छन् ।यसैगरि मध्य क्रम सम्हाल्न का लागि भने मेनुयल लोकास्टेलि, जोरजियो जस्ता प्रख्यात खेलाडिहरु रहे पनि मार्को लुराटि घाइते भएकाले इटलि आज केही चिन्तित भने अवस्य छ । लोरेन्जो र एन्ड्रयु बेलेटि जस्ता अग्रपंक्तिमा रहने खेलाडीहरुका साथमा आज इटली टर्की सँग भिड्न तयार छ ।

अग्रपङ्तिका खेलाडि बुराक यिलमेजको कप्तानिमा आज मैदानमा उत्रने टर्कीसँग भने इटलिको भन्दा केही फरक युवाहरुको टिम रहेको छ । जसमा मर्ट ग्युनोक गोलकिपर छन भने रक्षापङ्तिमा मेरिह डेमिरल, जेकि सेलिक जस्ता प्रख्यात खेलाडिहरु छन् त्यस्तै मध्य क्रममा ओजान तुफान, ओके युकुस जस्ता खेलाडिहरु छन् । टर्कि आज सेनजिक अण्डर, केनान क्यारामन जस्ता अग्रक्रमका खेलाडिलाई लिएर इटलिलाई हराउने दाउमा मैदानमा उत्रने तयारीमा छ । हालसम्म जम्मा दुई खेलमा युरोमा भेट भएका यी दुई राष्ट्रको आजको खेलमा कसले बाजि मार्ने हो त्यो भने आज राति को ९० मिनेटको खेल कुर्नु पर्ने नै छ ।

प्रकाशित मिति: शुक्रबार, जेठ २८, २०७८ १८:२४