जनताको अधिकार रक्षाका लागि अन्तिम लडाइ शुरु भयो : प्रचण्ड

राजनिति

गृहपृष्ठ
राजनिति

सेतोपत्र डेस्क बिहीबार, माघ २२, २०७७

काठमाण्डौको सडकमा आज बिहानै पत्रकारहरुसंग कुरा गर्दै प्रचण्ड ।

काठमाण्डौ, माघ २२ ।
नेपाल कम्युनिष्ट पार्टी (नेकपा) बहुमत पक्षका अध्यक्ष पुष्पकमल दाहाल प्रचण्डले केपी ओली नेतृत्वको सरकार बिरुद्ध अब अन्तिम लडाइ शुरु भएको बताउनु भएको छ ।
आमहड्तालको नेतृत्व गर्न आज बिहानै काठमाण्डौको सडकमा निस्कनु भएका प्रचण्डले ओली नेतृत्वको सरकारले पटक पटक संविधानलाई उलघंन गरेकाले अब जनताले ल्याएको गणतन्त्रको रक्षाका लागि पनि ओली सरकारबिरुद्ध अन्तिम लडाइ लडिने बताउनु भयो ।

‘बन्द हड्तालले जनतालाई दुःख हुन्छ भन्ने थाहा छ तर यो बाध्यताले गरिएको हड्ताल हो ।’ पत्रकारहरुसंग कुरा गर्दै प्रचण्डले भन्नुभयो, ‘ बन्द गर्न हामीलाई मन थिएन तर जनताले ७० बर्षको संघर्षबाट प्राप्त गरेको संविधान र गणतन्त्र नै मास्ने गरी केपी ओली अगाडी बढेकाले यो बन्द गर्नु परेको हो ।’

गणतन्त्र, धर्मनिरपेक्षता, जातिय अधिकार, संघियता सबै खतरामा परेको र त्यसको रक्षाका लागि पनि जनताको साथ चाहिएको प्रचण्डले बताउनु भयो । जनताको अधिकार रक्षाकै लागि आमहड्ताल गर्नु परेको वहाँको भनाइ थियो ।

गणतन्त्रबादी सबै शक्ति एक ठाउँ आएर फागुनबाट संयुक्त आन्दोलन शुरु हुने र त्यसले अहिलेको निरकुशं सत्तालाई परास्त गर्ने समेत प्रचण्डले बताउनु भयो । माघ २८ गते काठमाण्डौमा बिशाल जनप्रर्दशन हुने पनि प्रचण्डले पत्रकारहरुलाई जानकारी दिनु भयो ।

प्रकाशित मिति: बिहीबार, माघ २२, २०७७ १०:४१