झापा निर्वाचन क्षेत्र नं.१ : महिला कर्मचारीको कमाण्डमा दुइ मतदान केन्द्र

राजनिति

गृहपृष्ठ
राजनिति

मनिसा गौतम मंगलबार, फागुन १९, २०८२

श्री भानु आधारभुत बिद्यालयमा रहेको ‘क’ र ‘ख’ मतदान केन्द्रमा खटिनुभएका महिला कर्मचारी तथा स्वयंमसेवकहरु

झापा,फागुन १९ । प्रतिनिधि सभा सदस्य निर्वाचन अन्तर्गत यहि फागुन २१ गते हुने मतदानका लागि झापा क्षेत्र नं. १ को दुइ मतदान केन्द्रमा महिला कर्मचारीले मात्रै निर्वाचन सम्पन्न गराउने जिम्मा पाएका छन् ।

क्षेत्र नं. १ मा रहेका १४५ मतदान केन्द्रहरु मध्ये मेचीनगर वडा नम्बर ११ मा रहेको श्री भानु आधारभुत बिद्यालयमा रहेका दुइ मतदान केन्द्रहरुमा महिला कर्मचारीहरुलाई मात्रै खटाइएको सहायक निर्वाचन अधिकृत टेकबहादुर श्रेष्ठले जानकारी दिनभयो ।

श्री भानु आधारभुत बिद्यालय स्थित ‘क’ मतदान केन्द्रमा प्रतिभा पौडेल मतदान अधिकृत रहनुभएको छ भने ‘ख’ मतदान केन्द्रमा जयन्ती खरेल मतदान अधिकृत रहनुभएको छ । प्रत्येक मतदान केन्द्रमा एक मतदान अधिकृत, एक सहायक मतदान अधिकृत, तीन सहायक कर्मचारी र एक सहयोगी कर्मचारी खटाइने व्यवस्था छ । केन्द्रमा खटाइने स्वयंमसेवकपनि महिलामात्रै राख्न निद्रेशन दिइएको सहायक निर्वाचन अधिकृत श्रेष्ठले बताउनुभयो ।

क्षेत्र नं. १ मा ४५ मतदान स्थलमा १ सय ४५ मतदान केन्द्र रहेको जिल्ला निर्वाचन कार्यलय झापाले जनाएको छ । यो क्षेत्रमा १ लाख ३१ हजार ६७ मतदाता रहेका छन् ।

प्रकाशित मिति: मंगलबार, फागुन १९, २०८२ १५:०९