जेनजी पुस्ताको आन्दोलनमा मृत्यु हुनेको संख्या ५१ पुग्यो

देश

गृहपृष्ठ
देश

सेतोपत्र डेस्क शुक्रबार, भदौ २७, २०८२

झापा, भदौ २७ । भ्रष्टाचार बिरुद्ध भदौ २३ र २४ गते भएको जेनजी पुस्ताको आन्दोलनमा परी मृत्यु हुनेको संख्या ५१ पुगेको छ । शान्तिपुर्ण भनिएको आन्दोलन हिंसात्मक बने पछि देशभरका विभिन्न स्थानमा भएको भिडन्त र आगजनीमा परी मृत्यु हुनेको संख्या ५१ पुगेको नेपाल प्रहरीले जनाएको छ ।

यस क्रममा पहिलो दिन प्रहरीको गोली लागि २१ जनाको मृत्यु भएको थियो भने दोस्रो दिन विभिन्न ठाउँमा झडम र आगजनीमा ३० जनाको मृत्यु भएको थियो । मृतकहरुको अधिकाशं युवा उमेरका भएको प्रहरीले जनाएको छ । प्रहरीका अनुसार आन्दोलनमा तीन प्रहरीको पनि मृत्यु भएको छ भने बाल सुधार गृहका ५ जना र कैदी ९ जना मारिएका छन । आन्दोलनका क्रममा एक जना भारतिय महिलाको पनि मृत्यु भएको प्रहरीले जनाएको छ ।

जेनजी समूहको आन्दोलनमा झापामा २ जनाको मृत्यु भएको छ । प्रहरीसंगको मुडभेडमा परी बिर्तामोडमा गोली लागेर दुई जनाको मृत्यु भएको प्रहरीले जनाएको छ ।

प्रकाशित मिति: शुक्रबार, भदौ २७, २०८२ १५:११