नेविसंघ झापाको डिजिटल वक्तृत्वकला प्रतियोगिता सुरु

राजनिति

गृहपृष्ठ
राजनिति

नेविसंघ झापाको डिजिटल वक्तृत्वकला प्रतियोगिता सुरु

सेतोपत्र डेस्क बिहीबार, साउन ९, २०८२

झापा, साउन ८ । नेपाल विद्यार्थी संघ झापाले सामाजिक सञ्जालको प्रयोग गरेर विद्यार्थीहरुबीचमा वक्तृत्वकला प्रतियोगिता सञ्चालन गरेको छ । विपि स्मृति दिवसको अवसर पारेर साउन ७ गतेदेखि फरक शैली र प्रविधिको प्रयोग गरेर वक्तृत्वकला प्रतियोगिता सञ्चालन गरिएको नेपाल विद्यार्थी संघ झापाका अध्यक्ष सञ्जय निरौलाले बताउनु भयो ।

एक विद्यालय एक विद्यार्थीको अवधारणामा सहभागिता जनाईएको वक्तृत्वकला प्रतियोगितामा भएका संसदमा विचाराधिन अवस्थामा रहेको विद्यालय शिक्षा विद्येयकका बारेमा तीन वटा बिषय दिइएको छ । विद्यार्थीको आवाजः विद्यालय शिक्षा विद्येयकलाई कसरी विद्यार्थीमैत्री बनाउने ? सामुदायिक विद्यालय र शिक्षा विद्येयकः विद्यार्थीका पीडा वा परिवर्तन ? र शिक्षा विद्येयक र विद्यार्थी आन्दोलनः किन जरुरीछ आवाज उठाउन ? यी तीन मध्ये एउटा बिषयमा बिद्यार्थीले ३ देखि ५ मिनेटसम्मको वक्तृत्वकलाको भिडियो बनाएर पठाउनु पर्ने र त्यो भिडियो साउन ७ गतेदेखि १२ गते राति १२ बजेसम्म नेपाल विद्यार्थी संघ झापाको फेसबुक पेजमा राखिने छ ।

फेसबुक पेजमा राखिएका भिडियोमा आएको लाईक र भ्यूजलाई २५ प्रतिशत र निर्णायकको निर्णयलाई ७५ प्रतिशत मानेर अन्तिम निर्णय गरी विजेता घोषणा गरिने नेविसंघ अध्यक्ष निरौलाले जानकारी दिनुभयो ।

प्रतियोगितामा पहिलो हुनेले १० हजार, दोस्राले ७ हजार, तेस्रो हुनेले ५ हजार र पाँच वटा विद्यालयले सान्तवना पुरस्कार स्वरुप दुई हजारका दरले नगद र प्रमाण पत्र पाउने नेविसंघले जनाएको छ ।
प्रतियोगितामा विभिन्न विद्यालयका ३१ जना विद्यार्थीले सहभागिता जनाएको र उनीहरुको भिडियो नेविसंघ झापाको फेसबुक पेजमा हेर्न सकिने संघका झापा अध्यक्ष निरौलाले बताउनु भयो ।

नेपाली काँग्रेस झापाका सचिव तथा विद्यार्थी विभाग प्रमुख नविन बिमलीले साउन ६ गते बेलुका ५ बजे डिजिटल माध्यमबाटै उदघाटन गर्नु भएकाे वक्तृत्वकला प्रतियोगिताको संयोजकमा नेविसंघ झापाका उपसभापति योगेन गोदार थापा र डिजिटल फोकल पर्सनका रुपमा नेविसंघ झापाका सूचना तथा सञ्चार विभाग प्रमुख खुम खड्कालाई जिम्मेवारी तोकिएको अध्यक्ष निरौलाले जानकारी दिनुभयो ।

प्रकाशित मिति: बिहीबार, साउन ९, २०८२ ०९:५४

प्रतिक्रिया दिनुहोस्