कोशी प्रदेशका मन्त्रिहरुको जिम्मेवारी तोकियो

देश

गृहपृष्ठ
देश

कोशी प्रदेशका मन्त्रिहरुको जिम्मेवारी तोकियो

सेतोपत्र डेस्क आइतबार, मंसिर १७, २०८०

झापा,मंसिर १७ । कोशी प्रदेशका बिना बिभागिय मन्त्रिहरुको जिम्मेवारी तोकिएको छ ।

मुख्यमन्त्री केदार कार्कीले आज मुख्यमन्त्री कांग्रेसबाट मन्त्री बन्नुभएका शमशेर राईलाई आन्तरिक मामिला तथा कानुन, माअ‍ेवादी केन्द्रबाट मन्त्री बन्नुभएका गणेश प्रसाद उप्रेतीलाई पर्यटन, वन तथा वातावरण र एकीकृत समाजवादीबाट मन्त्री बन्नुभएका कमल प्रसाद जबेगुलाई भौतिक पूर्वाधार तथा यातायात मन्त्रालयका जिम्मेवारी दिनुभएको हो ।

आर्थिक मामिला तथा योजना मन्त्रालय, उद्योग, कृषि तथा सहकारी मन्त्रालय, खानेपानी, सिँचाइ तथा ऊर्जा मन्त्रालय, सामाजिक विकास मन्त्रालय र स्वास्थ्य मन्त्रालयको जिम्मेवारी भने मुख्यमन्त्री कार्कीले आफैैंसँग राख्नुभएको छ ।

गत असोज २७ गते नियुक्त हुनुभएका मुख्यमन्त्री कार्कीले सोही दिन शमशेर राई र एमालेका राम रानालाई मन्त्री नियुक्त गर्नुभएको थियो । यस्तै कार्तिक १७ गते माओवादी र एकीकृत समाजवादीका तर्फबाट उप्रेती र जबेगुलाई नियुक्त गर्नुभएको थियो । त्यसलगत्तै एमालेबाट मन्त्री बन्नुभएका रानाले भने राजीनामा दिनुभएको थियो । मुख्यमन्त्री नियुक्त भएदेखि नै मन्त्रीहरूलाई जिम्मेवारी दिन नसक्नुभएका मुख्यमन्त्री कार्कीले बजेट पारित गरेर जिम्मेवारी दिनुभएको हो ।

प्रकाशित मिति: आइतबार, मंसिर १७, २०८० १६:४१

प्रतिक्रिया दिनुहोस्