शिक्षा विद्येयकः शिक्षकको आचरणमा कडाई

देश

गृहपृष्ठ
देश

शिक्षा विद्येयकशिक्षा विद्येयकः शिक्षकको आचरणमा कडाई

शिक्षा विद्येयकः शिक्षकलाई आचरणमा कडाइझापा, भदौ २८ । संसदमा दर्ता भएको विद्यालय शिक्षा विद्येयकमा सामुदायिक/सार्वजनिक विद्यालयका शिक्षकहरुको आचरणमा कडाई गर्ने प्रावधान राखिएको छ । संघीय संसदको प्रतिनिधिसभामा दर्ता भएको विद्यालय शिक्षा सम्बन्धी कानूनलाई संशोधन र एकीकरण गर्न बनेको विद्येयकको थुप्रै प्रावधानले सामुदायिक विद्यालयका शिक्षकलाई आचरणमा बिषेश रुपमा कडाई गर्ने व्यवस्था प्रस्ताव गरिएको छ । विद्येयकमा राखिएको व्यवस्था अनुसार शिक्षकले राजनितिक दलको क्रियाकलापमा संलग्न हुन नपाउने भएका छन । कुनै पनि राजनितिक दल तथा दलसंग आबद्ध संगठनको सदस्यता लिन शिक्षकलाई रोक लगाईएको छ भने राजनितिक दल पदको निर्वाचनमा भाग लिन, कुनै पनि राजनितिक दलको आन्तरिक निर्वाचनमा मत दिन, उम्मेद्वार हुन वा दलका लागि चन्दा माग्न समेत शिक्षकले नपाउने भएका छन ।

त्यस्तै विद्यालयको काम र विद्यार्थीको सिकाई तथा मुल्याङ्कनमा प्रभाव पार्न सक्ने गरी कुनै शिक्षकले स्थानीय तहको पूर्व स्वीकृती विना आफूले वा आफ्नो परिवारको कुनै सदस्यद्वारा कसैबाट कुनै प्रकारको दान, दातव्य, कोसेली वा उपहार स्वीकार गर्न पनि शिक्षकलाई रोक लगाइएको छ । शिक्षकले आफ्नो विद्यालयको काम बाहेक अन्यत्र कुनै पनि प्रकारको आर्थिक लाभ वा सुविधा पाउने गरी काम गर्न समेत नपाउने व्यवस्था गरिएको छ । त्यस्तै सार्वजनिक विद्यालयका शिक्षकले स्थानीय तहको पुर्व स्वीकृति बिना कुनै पनि बैंक वा कम्पनी वा सहकारी संस्था स्थापना गर्न वा सञ्चालकको काममा सहभागि हुन नपाउने भएका छन । त्यस्तै कुनै व्यापार वा व्यवसाय गर्न समेत शिक्षकलाई रोक लगाउने गरी विद्येयकमा प्रस्ताव गरिएको छ ।

संसदमा दर्ता भएको शिक्षा विद्येयकमा सामुदायिक विद्यालयलाई सार्वजनिक विद्यालय बनाउने प्रस्ताव गरेको छ भने सञ्चालनमा रहेका निजि विद्यालयलाई गुठी वा कम्पनीमा सञ्चालन गर्न सकिने र नयाँ खुल्ने निजि विद्यालय शैक्षिक गुठाी मार्फत मात्रै स्थापना गर्न सकिने व्यवस्थाको प्रस्ताव गरिएको छ ।

प्रकाशित मिति: बिहीबार, भदौ २८, २०८० १३:१९