प्रेस क्लब मेचीनगरको अधिवेशन असोज १० गते

स्थानीय

गृहपृष्ठ
स्थानीय

सेतोपत्र डेस्क बुधबार, असोज ७, २०७७

इटाभट्टा, असोज ७ ।
प्रेस क्लब मेचीनगरको अधिवेशन यही असोज १० गते शनिबार हुने भएको छ । प्रेस क्लब मेचीनगर समितिको असोज ५ गते बसेको बैठकले असोज १० गते काँकरभिट्टा खानेपानी संस्थाको सभाहलमा अधिवेशन गर्ने निर्णय गरेको हो । मेचीनगरका सञ्चारकर्मीहरुको छाता संगठनको रुपमा रहेको क्लब तीन महिना अघि एकीकरण भएको थियो ।

तत्कालीन मेची बोर्डर जर्नालिष्ट एसोसिएशन र प्रेस क्लब मेचीनगरबीचको एकीकरण भेलाले प्रेस क्लब मेचीनगरलाई छाता संस्थाको रुपमा अगाडी बढाउने गरी निर्णय गरेको थियो ।

असार १३ गते काकरभिट्टामा सम्पन्न भएको एकिकरण घोषणा सभाले असोज १३ गतेभित्र अधिवेशन गर्ने म्याण्डेट दिएको थियो । सोही अनुरुप प्रेस क्लबको अधिवेशन सम्पन्न गर्ने तयारीमा लागिएको क्लबका सचिव झुलन रेग्मीले बताउनु भयो ।

प्रेस क्लबका संयोजक मुक्ति पौडेलको अध्यक्षतामा बसेको बैठकले पुरानो सदस्यता नवीकरण तथा नयाँ सदस्यता प्रदान गर्ने गरी कानूनी प्रक्रियासमेत अघि बढाइएको सहसंयोजक ज्ञानेन्द्र निरौलाले बताउनु भयो ।

प्रकाशित मिति: बुधबार, असोज ७, २०७७ १८:०९