कोरोनाका कारण मेचीनगरमा एकको मृत्यु

स्थानीय

गृहपृष्ठ
स्थानीय

ज्ञानेन्द्र निरौला सोमबार, असोज ५, २०७७

इटाभट्टा, असोज ५ ।
झापाको मेचीनगरमा कोरोना संक्रमणका कारण एक जनाको मृत्यु भएको छ । मेचीनगर नगरपालिकाले दिएको जानकारी अनुसार मृत्यु हुनेमा मेचीनगर ५ की एक महिलाको आज बिहान मृत्यु भएको हो ।

मेचीनगर सामाजिक विकास समिति संयोजक नबिन बरालले दिनु भएको जानकारी अनुसार स्वास फेर्न गाह्रो भए पछि एक साता अघि धरानस्थीत बिपि कोइराला स्वास्थ्य बिज्ञान प्रतिष्ठानमा उपचारका लागि भर्ना हुनु भएकी मेचीनगर वडा नं ५ की ७२ बर्षीय महिलाको आज बिहान उपचारकै क्रममा निधन भएको हो ।

उपचारकै क्रममा वहाँमा कोरोना संक्रमण पुष्टि भएको थियो । उपचारकै क्रममा आज विहान निधन भएको खबर प्राप्त भएको बरालले बताउनु भयो ।

कोरोना संक्रमितको निधन भएसंगै शवको ब्यवस्थापन गरी नेपाली सेनाले झापाको कन्काई घाटमा गरेको बताइएको छ । मेचीनगरमा कोरोना संक्रमणबाट मृत्यु भएको यो नै पहिलो घट्ना हो ।

प्रकाशित मिति: सोमबार, असोज ५, २०७७ १६:२५