कक्षा ११ को पाठ्यक्रम सम्बन्धी रिटमाथिको सुनुवाई पुस २७ मा हुने

देश

गृहपृष्ठ
देश

कक्षा ११ को पाठ्यक्रम सम्बन्धी रिटमाथिको सुनुवाई पुस २७ मा हुने

सेतोपत्र डेस्क मंगलबार, पुस २१, २०७७

कक्षा ११ को पाठ्यक्रम सम्बन्धी रिटको सुनुवाई पुस २७ गतेसम्मका लागि लम्बिएको छ । हिजो सर्वोच्चका न्यायाधीश टंकबहादुर मोक्तान र प्रकाशकुमार ढुंगानाको संयुक्त इजलासले कक्षा ११ र १२ को पाठ्यक्रमबारे परेको रिट सुनुवाईका लागि पेश गर्न आदेश दिएको छ ।

रिटमा अब पुस २७ गते सुनुवाइ हुने प्रवक्ता भद्रकाली पोखरेलले जानकारी दिनुभयो । यस रिटमा सर्वोच्चले अन्तरिम आदेश नदिई एकै पटक फैसला दिने तयारी गरेको छ । कक्षा ११ मा नयाँ पाठ्यक्रम कार्यान्वयन सुरु भएपछि उक्त पाठ्यक्रम कार्यान्वयन नगर्न आदेश माग गर्दै भगवता अर्यालसमेतले सर्वोच्चमा रिट दिएका थिए ।

यस रिटमा गत कात्तिक १९ गते सर्वोच्चका न्यायाधीश पुरुषोत्तम भण्डारीको एकल इजलाशले कक्षा ११ र १२ को नयाँ पाठ्यक्रम तत्काललाई लागू नगर्न अल्पकालीन अन्तरिम आदेश जारी गरेको थियो । अब पुस २७ गतेसम्म अल्पकालीन अन्तरिम आदेश भने निरन्तर रहनेछ ।

प्रकाशित मिति: मंगलबार, पुस २१, २०७७ ०८:४९

प्रतिक्रिया दिनुहोस्