गोर्खा मेमोरियल फाउण्डेशनले दियो बिपन्नलाई राहत

स्थानीय

गृहपृष्ठ
स्थानीय

ज्ञानेन्द्र निरौला शनिबार, कात्तिक २९, २०७७

राहत बितरण गर्दै गोर्खा मेमोरियल फाउण्डेशनका पदाधिकारीहरु ।

काकरभिट्टा, कार्तिक २९ ।
गोर्खा मेमोरियल फाउण्डेशन नेपालले मेचीनगरका ३० बिपन्नलाई राहत सामग्री बितरण गरेको छ ।
गोर्खा मेमोरियल फण्ड बेलायतको सहयोगमा मेचीनगर ६ का अति बिपन्न परिवारलाई छनौट गरी खाद्यान्य सामग्री बितरण गरेको फाउण्डेशनका महासचिब जगत गुरुङले बताउनु भयो ।

कोरोना महामारीका कारण दैनिक ज्यालादारीको काम गर्ने मजदुर परिवारमा समस्या परेको भन्दै तिहारको अवसर पारेर खाद्यान्य बितरण गरिएको महासचिव गुरुङले बताउनु भयो ।

गोर्खा मेमोरियल फाउण्डेशनले बितरणका लागि तयार गरेको राहत सामग्री ।

बिपन्न परिवारका लागि ३० केजी चामल सहित अन्य घरमा आवश्यक खाद्यान्य सामाग्री बितरण गरिएको फाउण्डेशनका अध्यक्ष नगेन्द्र गुरुङले जानकारी दिनु भयो ।

थप सामग्रीको ब्यवस्थापन गरेर अन्य बिपन्न परिवारलाई पनि सहयोग गर्ने समेत अध्यक्ष गुरुङले बताउनु भयो । गुरुङका अनुसार यस अघि पनि देशका बिभिन्न ठाउँमा पुगेर फाउण्डेशनको तर्फबाट स्वास्थ्य सुरक्षाका सामग्री बितरण गरिएको थियो ।

प्रकाशित मिति: शनिबार, कात्तिक २९, २०७७ १३:५८