अर्जुनधाराका १८ परिवारले पाए जग्गाधनी पुर्जा

देश

गृहपृष्ठ
देश

सेतोपत्र डेस्क बिहीबार, साउन ७, २०८३

झापा,साउन ७ । झापाको अर्जुनधारामा गाउँपालिकामा अव्यवस्थित बसोबास गरेका १८ परिवारलाइ जग्गाधनी पुर्जा वितरण गरिएको छ ।

जिल्ला भूमि समस्या समाधान समिति झापाले आज १८ परिवारलाई लालपुर्जा वितरण गरेको हो । प्रतिनिधि सभा सदस्य इन्दिरा रानामगरले अव्यवस्थित बसोबास गरेका परिवारलाइ पुर्जा हस्तान्तरण गर्नुभएको थियो ।

जग्गाधनी पुर्जा वितरण कार्यक्रममा झापाका प्रमुख जिल्ला अधिकारी शिवराम गेलाल ,नापी कार्यालय भद्रपुरका प्रमुख तथा जिल्ला भूमि समस्या समाधान समिति झापाका सदस्य सचिव शिवप्रसाद लम्साल,अर्जुनधारा नगरपालिकाका प्रमुख बलदेवसिंह गोम्देन तामाङ,उपप्रमुख खड्गमाया पराजुली लगायत जनप्रतिनिधीहरुको उपस्थिती रहेको थियो ।

यस अघि गत आर्थिक वर्षमा अर्जुनधारा नगरपालिका–११ का ९६ अव्यवस्थित बसोबासीलाई असार महिनामा तथा थप २३ जनालाई कात्तिक महिनामा जग्गाधनी प्रमाण पुर्जा वितरण गरिएको थियो। लामो समयदेखि आफ्नो नाममा जग्गाको स्वामित्व नपाएका स्थानीयले जग्गाधनी पुर्जा प्राप्त गरेपछि उनीहरू कानुनी रूपमा जग्गाधनी बनेका छन् ।

प्रकाशित मिति: बिहीबार, साउन ७, २०८३ १५:४४