काठमाडौंबाट विस्थापित सुकुम्बासीलाई गृह जिल्लामै व्यवस्थापन गरिने

देश

गृहपृष्ठ
देश

सेतोपत्र डेस्क बुधबार, साउन ६, २०८३

झापा,साउन ६ । सरकारले काठमाडौंका नदी किनाराबाट विस्थापित भएका वास्तविक भूमिहीन सुकुम्बासीलाई उनीहरूको स्थायी ठेगाना भएको जिल्लामै व्यवस्थापन गर्ने प्रक्रिया अघि बढाएको छ। यसका लागि सम्बन्धित पालिका र जिल्ला समितिमा सम्पर्क गर्न उनीहरूलाई सूचना जारी गरिएको छ।

गत वैशाख ११ गतेदेखि नदी किनार हटाउने अभियानका क्रममा विस्थापित भएका सुकुम्बासीमध्ये पहिलो चरणमा सरकारी होल्डिङ सेन्टरमा राखिएका ३८८ परिवारका १ हजार ४८८ जनाको सम्पत्ति विवरण छानबिन गरिएको थियो। छानबिनका क्रममा २९ परिवारको नाममा देशभर कतै पनि घरजग्गा नभेटिएपछि भूमि समस्या समाधान समितिले उनीहरूको सूची सार्वजनिक गर्दै गृह जिल्लाको पालिकामा सम्पर्क गर्न आग्रह गरेको हो।

समितिले सार्वजनिक गरेको सूचीमा ती परिवार हाल बसिरहेको होल्डिङ सेन्टर र उनीहरूको स्थायी ठेगानासमेत उल्लेख गरिएको छ। भूमि व्यवस्था, सहकारी तथा गरिबी निवारण मन्त्रालय र संघीय मामिला तथा सामान्य प्रशासन मन्त्रालयको निर्णयअनुसार उनीहरूको विवरण र आवश्यक कागजात सम्बन्धित जिल्ला समितिमा पठाइसकिएको समितिले जनाएको छ।

समितिका अनुसार योग्य ठहरिएका भूमिहीन सुकुम्बासीलाई स्वीकृत कार्यविधिअनुसार उनीहरूको गृह जिल्लामै जग्गा उपलब्ध गराउने प्रक्रिया अघि बढाइनेछ।

हेर्नुहोस सुचना :-

प्रकाशित मिति: बुधबार, साउन ६, २०८३ १५:३४