मेचीनगर लेडी जेसीजद्वारा विद्यार्थीका लागि स्कुल व्याग र चप्पल वितरण

स्थानीय

गृहपृष्ठ
स्थानीय

सेतोपत्र डेस्क बिहीबार, जेठ २१, २०८३

काकरभिट्टा, जेठ २१ । मेचीनगर लेडी जेसीजद्वारा विद्यार्थीहरुका लािग स्कुल व्याग र चप्पल वितरण गरिएको छ । जेसीज सप्ताहको छैठौं कार्यक्रम अन्तर्गत बुधबार मेचीनगर ७ स्थीत लक्ष्मी आधारभुत विद्यालयका विद्यार्थीहरुका लागि व्याग र चप्पल वितरण गरिएको मेचीनगर लेडी जेसीजकी अध्यक्ष रिता श्रेष्ठले बताउनु भयो । वहाँका अनुसार ३० वटा स्कुल व्याग र २० जोर चप्पल वितरण गरिएको हो ।

अध्यक्ष श्रेष्ठको सभापतित्व तथा मेचीनगर ६ का वडाअध्यक्ष ललित तामाङको प्रमुख आतिथ्यतामा सम्पन्न व्याग तथा चप्पल वितरण कार्यक्रममा लेडी जेसीजकी पुर्व अध्यक्ष उषा श्रेष्ठ र प्रमुख अतिथी तामाङले शुभकामना मन्तव्य व्यक्त गर्नु भएको थियो ।

सोही अवसरमा लेडी जेसीजकी सदस्य अनिता शाहले आफ्नी छोरीको जन्मदिन समेत विद्यार्थीहरुसंग मनाउनु भएको थियो । शाहले विद्यार्थीहरुलाई लड्डु र जुस वितरण गर्नु भएको थियो ।
कार्यक्रम संयोजक लेडी जेसीजकी उपाध्यक्ष प्रमिला ओलीले स्वागत मन्तव्य गर्नु भएको कार्यक्रममा केषाध्यक्ष सरिता निरौलाले जेसीज आस्था वाचन गर्नु भएको थियो ।

विद्यालय व्यवस्थापन समितिकी अध्यक्ष पवित्रा निरौला र प्रधानाध्यापक अलिसा रिजालको समेत उपस्थीतिमा सम्पन्न कार्यक्रम मेचीनगर लेडी जेसीजकी महासचिव कल्पना प्रसाईको सञ्चालनमा सम्पन्न भएको थियो ।

रक्तदान कार्यक्रम सम्पन्न

जेसीज सप्ताहकै पाँचौं कार्यक्रम अन्तर्गत मेचीनगर लेडी जेसीजले बुधबार बिहान रक्तदान कार्यक्रम समेत सम्पन्न गरेको छ । काकरभिट्टा स्थीत हनुमान मन्दिर परिषर र काकरभिट्टा क्याम्पस गरी दुई स्थानमा गरिएको रक्तदान कार्यक्रममा १७ जनाले रक्तदान गर्नु भएको मेचीनगर लेडी जेसीजकी अध्यक्ष श्रेष्ठले जानकारी दिनुभयो ।

प्रकाशित मिति: बिहीबार, जेठ २१, २०८३ ०७:४८