मेची उद्योग वाणिज्य संघ चुनावः मतदाता २११५

स्थानीय

गृहपृष्ठ
स्थानीय

सेतोपत्र डेस्क बुधबार, वैशाख १६, २०८३

धुलाबारी, बैशाख १६ । मेचीनगरका उद्यागी व्यवशायीको छाता संस्था मेची उद्योग वाणिज्य संघको आसन्न निर्वाचनका लागि मतदाता सदस्यहरुको दर्ता सकिएको छ । संघको आगामी कार्याकालका लागि यही बैशाख २६ गते हुने निर्वाचनमा २११५ जना सदस्यले मतदान गर्न पाउने संघका कार्यकारी निर्देशक गोपाल बस्नेतले जानकारी दिनुभयो ।

‘हाम्रो सिस्टममा सदस्यताको विवरण संकलन गरिसकेका छौं,’ बस्नेतले भन्नुभयो, ‘सदस्य संख्या २११५ पुगेको छ, अब नयाँ सदस्य बन्न र पुरानो नविकरण चुनाव अघि बन्द भएको छ ।’ संघले नयाँ सदस्य बन्न र पुरानो सदस्यको नविकरण गरी मतदातामा नामावली समावेश गर्न बैशाख ११ गतेसम्मको समय सीमा तोकेको थियो ।

संघको बार्षिक साधारण सभा बैशाख १९ गतेका लागि तोकिएको छ । नेपाल उद्योग वाणिज्य संघका उपाध्यक्ष हेमराज ढकालको प्रमुख आतिथ्यतामा साधारण सभा हुने कार्यकारी निर्देशक बस्नेतले बताउनु भयो । संघको आगामी कार्यकालका लागि १६ सदस्यीय कार्यसमिति चयनका लागि बैशाख २६ गते निर्वाचनको मिति तोकिएको छ ।

प्रकाशित मिति: बुधबार, वैशाख १६, २०८३ ०९:२०