सांसदहरुको शपथ आज

देश

गृहपृष्ठ
देश

सांसदहरुको शपथ आज

सेतोपत्र डेस्क बिहीबार, चैत १२, २०८२

झापा, फागुन १२ । फागुन २१ को निर्वाचनमार्फत निर्वाचित प्रतिनिधिसभा सदस्य (सांसद) हरुको पद तथा गोपनीयताको शपथ आज हुने भएको छ । शपथ ग्रहण कार्यक्रम आज दिउँसो २ बजे नयाँ संसद भवनको हलमा हुने तय भएको संघीय संसद सचिवालयले जनाएको छ । संसद् सचिवालयले निर्वाचन आयोगबाट प्राप्त प्रतिनिधिसभा सदस्य पदको प्रमाणपत्र, नेपाली नागरिकताको प्रमाणपत्रको प्रतिलिपि र हालसालै खिचिएको पासपोर्ट साइजको तस्बिर दुईप्रतिसहित तोकिएको समयभन्दा दुई घण्टा अगावै उपस्थित हुन नवनिर्वाचित सांसदहरुलाई आग्रह गरेको छ ।

प्रतिनिधिसभाका ज्येष्ठ सदस्य अर्जुननरसिंह केसीले अन्य २७४ जना सांसदहरुलाई पद तथा गोपनीयताको शपथ गराउने कार्यक्रम तय भएको छ । राष्ट्रपति रामचन्द्र पौडेलले बुधबार शीतल निवासमा प्रतिनिधि सभाका ज्येष्ठ सदस्य केसीलाई पद तथा गोपनीयताको शपथ गराइसक्नु भएको छ । संसद सचिवालयका अनुसार आज हुने सपथ ग्रहण कार्यक्रमा ४७ जना सांसदले नेपाली भाषा बाहेक मातृ भाषामा सपथ लिने बताएका छन ।

फागुन २१ गते सम्पन्न प्रतिनिधिसभा सदस्यको निर्वाचनमा राष्ट्रिय स्वतन्त्र पार्टीले १८२, नेपाली कांग्रेसले ३८, नेकपा (एमाले) ले २५, नेपाली कम्युनिस्ट पार्टीले १७, श्रम संस्कृति पार्टीेले ७ र राष्ट्रिय प्रजातन्त्र पार्टीले ५ सिट प्राप्त गरेका छ ।

प्रकाशित मिति: बिहीबार, चैत १२, २०८२ ०७:१६