झापा १ : ५३ हजार मत गणना सकियो, डाँगीको अग्रता २० हजार नाघ्यो

राजनिति

गृहपृष्ठ
राजनिति

सेतोपत्र डेस्क शनिबार, फागुन २३, २०८२

मेचीनगर, फागुन २३ । प्रतिनिधि सभा सदस्यको निर्वाचनको मतगणना जारी रहँदा झापा क्षेत्र नं. १ मा ५३ हजार मत गणना भइसकेको छ । आज विहान १२ बजेसम्ममा ५३००३ मत गणना भइसक्दा राष्ट्रिय स्वतन्त्र पार्टी (रास्वपा) की उम्मेद्वार निशा डाँगीको मतान्तर २० हजार ६ सय १३ पुगेको छ ।

डाँगीले २७७६७ मत प्राप्त गर्दा श्रम संस्कृति पार्टीका केवलराम राईले ७१५४ मत प्राप्त गर्नु भएको छ । त्यस्तै नेपाली काँग्रेसका केशवराज पाण्डेले ६८१८ मत पाउनु भएको हो । नेकपा एमालेका रामचन्द्र उप्रेतीले ५३८७ र राप्रपाका हेमराज कार्कीले १०४२ मत पाउनु भएको छ ।

मंगोल नेशनल अर्गनाजेशनका सन्तोस तामाङले ८१० मत पाउँदा नेकपाका अशेष घिमिरेले ५९९ मत पाउनु भएको छ । अन्य चुनाव चिन्हहरु चिम ३४१, खुकुरी ८०, क्याप ७०, पञ्जा ६८, मादल १७, छाता १७, क्यामरा १९, घर १४ र हातले ११ मत पाएका छन ।

अहिलेसम्मको मतगणनामा २७९१ मत बदर भएको निर्वाचन समितिको कार्यालयले जनाएको छ । फागुन २१ गते भएको निर्वाचनमा झापा १ मा ८३८२२ मत खसेको छ ।

प्रकाशित मिति: शनिबार, फागुन २३, २०८२ १३:११