रोटरी क्लव अफ मेचीनगरले बुझायो ‘छात्रालाई महिनावारीमा पोषणको महत्व’

स्थानीय

गृहपृष्ठ
स्थानीय

सेतोपत्र डेस्क सोमबार, फागुन ११, २०८२

धुलाबारी, फागुन ११ । झापाको धुलाबारीमा छात्रालाई महिनावारीको समयमा पोषणको महत्वका बारेमा अभिमुखिकरण गरिएको छ । रोटरी क्लव अफ मेचीनगरले धुलाबारी माध्यमिक विद्यालयका छात्रालाई सचेतना मूलक महिनावारीको समयमा के कस्ता खानेकुरा खानु पर्ने जस्ता बिषयमा जानकारी गराएको हो ।

कार्यक्रममा रोटरी क्लव अफ मेचीनगरद्वारा छात्रालाई महिनावारीका बारेमा शारिरीक र मानसिक स्वास्थ्यको अवस्था र त्यसबेला पौष्टिक खानेकुराहरुको महत्वका बारेमा जानकारी गराएको रोटरी क्लव अफ मेचीनगरकी अध्यक्ष शर्मिला पाठकले जानकारी दिनुभयो ।

धुलाबारी माविको सभाहलमा सम्पन्न कार्यक्रमको औचित्यमाथी प्रकाश पार्दै अध्यक्ष पाठकले महिनावारी र त्यससंग जोडिएका शारिरीक र मानिसक स्वास्थ्यका बारेमा जान्नु वालिकाहरुका लागि अति आवश्यक रहेकाले कार्यक्रम सञ्चालन गरिएको बताउनु भयो ।

रोटरी इन्टरनेशनलको १२१ औं स्थापना दिवसको अवसर पारेर गरिएको कार्यक्रममा पोषण विद् तथा औषधी विषेशज्ञ युनिशा खनालले छात्रालाई सहजिकरण गर्नु भएको थियो । क्लवका अध्यक्ष पाठकको सभापतित्व तथा धुलाबारी माविका प्रधानाध्यापक महेन्द्र विलास लुईटेलको प्रमुख आतिथ्यतामा सम्पन्न सचेतना कार्यक्रममा धुलाबारी माविका सहायक प्रधानाध्यापक तेजप्रसाद चम्लागाई, रोटरीयन ध्रुव ओली, पत्रकार ज्ञानेन्द्र निरौला लगायतको सहभागिता रहेको थियो ।

धुलाबारी माविका विभिन्न कक्षाका करीब एक सय छात्राहरुको सहभागिता रहेको कार्यक्रम रोटरी क्लव अफ मेचीनगरका प्रेसिडेन्ट इलेक्ट दिनेश शाक्यको सञ्चालनमा सम्पन्न भएको थियो ।

प्रकाशित मिति: सोमबार, फागुन ११, २०८२ १९:२२