प्रादेशिक अस्पताल भद्रपुरमा एनआइसीयु सञ्चालन

देश

गृहपृष्ठ
देश

सेतोपत्र डेस्क मंगलबार, मंसिर २३, २०८२

झापा,मसिंर २३ ।मेची प्रादेशिक अस्पताल भद्रपुरमा नवजात सघन उपचार कक्ष एनआइसीयु सेवा सञ्चालनमा आएको छ ।

अस्पतालले सोमबारबाट चार बेड क्षमताको एनआइसीयु सेवा सञ्चालनमा ल्याएको हो । अस्पताल सञ्चालन तथा व्यवस्थापन समितिका अध्यक्ष विश्वनाथ बराल र भद्रपुर नगरपालिकाका प्रमुख गणेश पोखरेलले संयुक्त रुपमा एनआइसीयु सेवा कक्षको उद्घाटन गर्नुभएको थियो ।

अस्पतालले एनआइसीयु कक्षका लागि चार जना डाक्टर,नौ जना स्टाफ नर्स र चार जना सुरक्षागार्डको व्यवस्था गरिएको जनाएको छ । स्वास्थ्य तथा जनसङ्ख्या मन्त्रालयले २०७० सालमानै एनआइसीयु सेवा सञ्चालनका लागि स्वास्थ्य उपकरण उपलब्ध गराएको भएपनि जनशक्ति अभावले एनआइसीयु सेवा सञ्चालनमा आउन सकेको थिएन् ।

हाल कोशी प्रदेश सरकारको स्वास्थ्य मन्त्रालयले जनशक्ति उपलब्ध गराएपछि एनआइसीयु सेवा सञ्चालनमा ल्याउन सकिएको अस्पतालका निमित्त मेडिकल सुपरिटेन्डेन्ट डा सञ्जय कुमार गुप्ताले जानकारी दिनुभयो ।

प्रादेशिक अस्पतालमा एनआइसीयु नहुदाँ जटिल खालका प्रसुती र नवजात उपचारका लागि अन्यत्र रेफर गर्नुपर्ने बाध्यता रहेकोमा अब भने त्यसको अन्तय भएको उहाँको भनाई छ ।

प्रकाशित मिति: मंगलबार, मंसिर २३, २०८२ १५:५६