‘मोन्था’ चक्रवातको प्रभावले देशका बिभिन्न भागमा बर्षा : ३० जिल्लामा बाढीको जोखिम

स्थानीय

गृहपृष्ठ
स्थानीय

सेतोपत्र डेस्क बिहीबार, कात्तिक १३, २०८२

झापा,कार्तिक १३ । बंगालको खाडीमा विकसित मोन्था’ चक्रवातको प्रभावले नेपाल पानी पर्न थालिसकेको छ । झापा लगायतका बिभिन्न जिल्लाहरुमा बिहानबाटै ’मोन्था’ चक्रवातको प्रभाव देखिएको हो । झापामा बिहानैबाट बर्षा भइरहेको छ ।

जल तथा मौसम विज्ञान विभागको मौसम पूर्वानुमान महाशाखाका अनुसार आजदेखि शनिबारसम्म कोशी, मधेश र बागमती प्रदेशका केही ठाउँमा भारी वर्षा हुने सम्भावना रहेको छ । विभागअन्तर्गतकै बाढी पूर्वानुमान महाशाखाले आगामी ३ दिन विभिन्न नदीहरूमा आकस्मिक बहाव बढ्ने भन्दै सतर्कता अपनाउन आग्रह गरेको छ ।

आज कोशी, मधेश, बागमती र लुम्बिी प्रदेशका केही जिल्ला भई बग्ने नदीहरूमा आकस्मिक बाढीको सम्भावना रहेको महाशाखाले जनाएको छ । त्यस्तै शुक्रबार र शनिबार पनि कोशी, मधेश र बागमती प्रदेश भई बहने स–साना नदीहरूमा आकस्मिक बाढी आउन सक्ने पूर्वानुमान छ ।

त्यस्तै राष्ट्रिय विपद् जोखिम न्यूनीकरण तथा व्यवस्थापन प्राधिकरणले पनि कोशी, बागमती र गण्डकी प्रदेशका उच्च पहाडी तथा हिमाली भेगका एक–दुई स्थानमा भारी हिमपात र कोशी, मधेश, बागमती र लुम्बिनी प्रदेशका एक–दुई स्थानमा भारी वर्षाको सम्भावना देखाएकाले सतर्कता अपनाउन अनुरोध गरेको छ । प्राधिकरणले अत्यन्त जरुरी नभएसम्म यात्रा नगर्नसमेत अनुरोध गरेको छ ।

प्रकाशित मिति: बिहीबार, कात्तिक १३, २०८२ १४:५१