पत्रकार रुचाल र आचार्यको जेन्जी आन्दोलनका शहिद र बिपिन आचार्य प्रति समर्पित गीत सार्वजनिक

कला/साहित्य

गृहपृष्ठ
कला/साहित्य

पत्रकार रुचाल र आचार्यको जेन्जी आन्दोलनका शहिद र बिपिन आचार्य प्रति समर्पित गीत सार्वजनिक

सेतोपत्र डेस्क बुधबार, कात्तिक ५, २०८२

कार्तिक ५, काठमाडौं । पत्रकारद्वय राजन रुचाल र अविनास आचार्यले जेन्जी आन्दोलन शहिद भएकाहरु र हमासको कब्जामा मारिएका बिपिन आचार्यलाई प्रति समर्पित गर्दै गीत सार्वजनिक गरेका छन । गीत मार्फत आन्दोलनमा शहिद भएकाहरुले अब फेरि आमालाइ नरुवाउने बाचा गरेका छन ।

‘गए वादलको बाटो अब फर्केर आउँदिन म
यो नै अन्तिम भयो अब कहिल्यै रुवाउदिन म’

देशको लागि बलिदान दिनेहरुमा समर्पित यो मार्मिक गीतमा अविनास आचार्यको स्वर रहेको छ । शब्द तथा लय राजन रुचालको रहेको छ भने एरेन्ज विष्णु तामाङले गर्नु भएको छ ।
घरमा नभनि आन्दोलनमा हिडेका युवाहरु अचानक गोली लागेर ढलेपछि आन्दोलन स्थलबाटै निस्किएको चित्कार गीतमा समेटिएको छ ।

देशप्रेम बोकेर शान्तीपूर्ण आन्दोलनमा होमिएका कलिला युवाहरुको मरणले मन छियाछिया भएकाले उनीहरुको सम्मानमा गीत निकालेको रुचालले बताउनु भयो । परिवर्तनको माग गर्दै घटेको यो घटना र युवाहरुको वलिदानीलाइ संधै संझना दिलाइरहन र सत्तामा बसेकालाइ झकझकाउन यो गीत सार्वजनिक गरिएको हो गायक आचार्यले भन्नुभयो ।

देशमा भ्रष्टाचर अन्त्य र शुसासन कायम गर्न माग गर्दै भदौ २३ र २४ गते जेन्जी उमेरका युवाहरुको अगुवाइमा देशभरि भएको प्रर्दशनमा ७० जना भन्दा बढिको मृत्यु भएको थियो । यस्तै अध्ययनका लागि इजरायल रहेका बेला हमासको कब्जामा परी मारिएका कञ्चनपुरका बिपिन जोशीबारे पनि गीतमा समेटिएको छ ।