जेन - जि प्रदर्शन : प्रहरीको गोली लागि एक जनाको मृत्यु

देश

गृहपृष्ठ
देश

जेन - जि प्रदर्शन : प्रहरीको गोली लागि एक जनाको मृत्यु

सेतोपत्र डेस्क सोमबार, भदौ २३, २०८२

काठमाण्डाै, भदाै २३ । जेन - जी पुस्ताकाे सडक प्रदर्शनका क्रममा प्रहरीले गोली चलाउदाँ घाइते भएका एक जनाको मृत्यु भएको छ ।

काठमाडौको सिभिल अस्पतालमा उपचारका क्रममा प्रहरीको गोली लागेका एक जनाको मृत्यु भएको हो । मृतकको पहिचान खुल्न सकेको छैन ।

प्रदर्शनकारीहरु संसद भवनमा प्रवेश गरि तोडफोड गर्न थालेपछि प्रहरीले बल प्रयोग गरेको थियो । प्रदर्शनमाका क्रममा केही पत्रकार सहित १ सय भन्दा धेरै घाइते भएको घटनास्थलमा रहेका सञ्चारकर्मीहरुले जनाएका छन् । प्रहरीको गोलीबाट एक जनाको मृत्यु भएपछि बानेश्वर चोक थप तनावग्रस्त भएको छ ।

सरकारले कर्फ्यू घोषणा गरेपनि प्रभावहीन देखिएको छ ।

कर्फ्यू लाग्नु अघिको तुलनामा अहिले प्रदर्शनकारीहरूले आक्रोशित हुँदै प्रदर्शन गरिरहेका छन् ।

संसद् परिसर भित्रबाट प्रहरीले बारम्बार अश्रुग्यास, रबरको गोली, पानीको फोहोरा र इट्टासमेत प्रहार गरिरहेको छ ।

सुशासनका लागि भन्दै प्रर्दशनमा उक्रिएका जेन- जिको प्रर्दशनको लहर देशभर प्रवाह भएको छ । देशका बिभिन्न शहरहरुमा आज जेन - जि ले प्रर्दशन गरिरहेका छन् ।

प्रकाशित मिति: सोमबार, भदौ २३, २०८२ १४:१२