विषय: मेचीनगर–१४, धाईजन मोडदेखि कृष्ण प्राथमिक विद्यालयसम्मको सहिद मार्ग स्तरउन्नतिको बारेमा
श्रीमान्, सविनय निवेदन यस प्रकार प्रस्तुत गर्दछौं
हामी मेचीनगर–१४ का स्थानीय बासिन्दाहरूलाई प्राप्त जानकारीअनुसार चालु आर्थिक वर्ष २०८२/८३ को संघीय बजेटमार्फत धाईजन मोडदेखि कृष्ण प्राथमिक विद्यालयसम्मको सहिद मार्ग स्तरोन्नति हुने भएको कुरा सुन्दा हामी वडा न १४ बासिन्दा अत्यन्त हर्सित भएका थियौ ।
यस मार्ग सुधारको माग यहाँका जनताले लामो समयदेखि गर्दै आएका छन्। बाटो स्तरोन्नति गर्दा दुबैपट्टि नाला निर्माण गरी मापदण्डअनुसार चौडा बनाउनुपर्ने हाम्रो साझा चाहना हो। हाल मार्ग दुबै छेउमा स्थानीयहरूले घाँस रोपेका छन्, कतिपय ठाउँमा बाटो अतिक्रमण समेत भएको छ। नाला निर्माणसँगै यी समस्याहरू समाधान हुने र बाटो व्यवस्थित तथा दिगो रूपमा निर्माण गर्न सकिने हाम्रो विश्वास छ। साथै, सहिद मार्ग दुबै छेउमा घरहरूको निर्माण तीव्र गतिमा भइरहेको छ र साबिक दुबागढी ६ को जमिनको करिब ५०५ भाग आवासीय क्षेत्रमा परिणत भइसकेको हुँदा योजनाबद्ध तथा संरचित स्तरोन्नति अपरिहार्य देखिन्छ।
यसैगरी, सहिद मार्गसँग मिसिने सहायक बाटाहरूका नाला पनि उक्त मार्गकै मुख्य नालामा मिसावट हुने गरी निर्माण गर्नु अत्यावश्यक भइसकेको छ। वडा नं १४ का अधिकांश बासिन्दाहरूले समेत दुबैपट्टि नाला निर्माणसहित चौडा बाटोको माग निरन्तर उठाउँदै आएका छन्। यस सम्बन्धमा माननीय सांसद विश्व प्रकाश शर्माले पनि “यदि बजेट अपुग भए आवश्यक थप बजेटको व्यवस्थापनमा सहयोग गर्नेछु” भन्ने स्पष्ट आश्वासन दिनुभएको सर्वविदित छ।
तर दुर्भाग्यवश, हाल स्थानीय जनताको मागविपरीत केवल पुरानो पिचमाथि नयाँ पिच थप्ने तयारी भइरहेको, र कुनै सूचना नदिई सर्वेक्षणसमेत सम्पन्न गरिएको जानकारी प्राप्त भएको छ। जब हामी यसबारेमा बुझ्न गयौं, हाम्रो आवाजलाई बेवास्ता गरिएको अनुभव भयो।
त्यसैले, हामी मेचीनगर–१४ का सरोकारवाला स्थानीय बासिन्दाहरूको तर्फबाट स्पष्ट आग्रह गर्दछौं ।
यस कार्यलाई तत्काल रोक्नुपर्छ र स्थानीय जनताको साझा मागअनुसार दुबैपट्टि नाला निर्माण गरी बाटो चौडा बनाउने काम अघि बढाइनुपर्छ। यसैमा यहाँका जनताको वास्तविक हित निहित छ भन्ने हाम्रो दृढ विश्वास छ।
हाम्रो मागलाई सम्मानपूर्वक सम्बोधन गर्न आवश्यक पहल गरिनेछ भन्ने अपेक्षा राखेका छौं।
निवेदकहरू
मेचीनगर–१४ का सरोकारवाला स्थानीय बासिन्दाहरू
मिति: २०८२/५/१२
