बैज्ञानिक महाबीर पुन मेचीनगरमा : प्रेस क्लबद्वारा स्वागत सम्मान

स्थानीय

गृहपृष्ठ
स्थानीय

सेतोपत्र डेस्क शुक्रबार, साउन ३०, २०८२

साउन ३०,झापा । प्रेस क्लब मेचीनगरले बैज्ञानिक डाक्टर महाबीर पुनलाई आज मेचीनगरमा स्वागत सम्मान गरेको छ । उहाँ आफैंले लेखेको आत्मवृतान्त पुस्तक ‘महावीर पुन सम्झना सपना र अविरल यात्रा’ बिक्री अभियानका क्रममा झापा आइपुग्नुभएका पुनलाई प्रेस क्लब मेचीनगरको कार्यलयमा संक्षिप्त कार्यक्रमका बिच स्वागत सम्मान गरिएको हो ।

सोही क्रममा क्लबको तर्फबाट दश थान पुस्तक खरिद गरिएको क्लबका अध्यक्ष प्रकाश पौडेलले जानकारी दिनुभयो । स्वागत सम्मान कार्यक्रममा बोल्दै बैज्ञानिक पुनले यो अभियान पुस्तक बिक्रीको लागि मात्रै नभएर मातृभुमिको बिकास र कृषिको उत्थानको लागि गरिएको प्रयास भएको बताउनुभएको छ ।

पुनले आफ्नो अभियान पुस्तक बिक्रीको मात्रै नभएर देशका लागि सबैले आफ्नो तर्फबाट सानो भए पनि योगदान गर्नुपर्छ भन्ने कुरा बुझाउनका लागि भएको बताउनुभएको छ । बिशेषगरि युवा तथा बिद्यार्थिहरुलाई मातृभुमि प्रति जिम्मेवारी र चेतना बिकास गराउन आफु देश दौडाहामा निस्किएको उहाँको भनाई छ ।

स्वागत सम्मान कार्यक्रममा प्रेस क्लबका सस्थापक अध्यक्ष सन्तोस आर्चाय,पुर्व अध्यक्ष ज्ञानेन्द्र निरौला,मेचीनगर नगरपालिकाका प्रेस संयोजक अर्जुन कार्की ,कार्यसमिती सदस्यहरु,पत्रकार तथा सर्वसाधारणको उपस्थित रहेको थियो ।

वीरगञ्जस्थित कृषी औजार कारखाना संचालनका लागि पुस्तक बिक्रीको अभियान लिएर देश दौडाहामा निस्कनुभएका पुनले झापाको बिर्तामोड र भद्रपुर नगरपालिकामा पुस्तक बिक्री अभियान सम्पन्न गरिसक्नु भएको छ । उहाँको पुस्तकको मुल्य ७५० रुपैयाँ रहेको छ ।