नेकपा एस झापाको टिकटक वक्तृत्वकला प्रतियोगिता

राजनिति

गृहपृष्ठ
राजनिति

नेकपा एस झापाको टिकटक वक्तृत्वकला प्रतियोगिता

सेतोपत्र डेस्क बिहीबार, साउन २२, २०८२

झापा, साउन २२ । नेकपा एकीकृत समाजवादी झापाले पार्टीको चौथो स्थापना दिवसको अवसर पारेर टिकटक वक्तृत्वकला प्रतियोगिताको आयोजना गरेको छ । प्रतियोगिताका बारेमा जानकारी दिने उद्देश्यले बुधबार पार्टी कार्यालय बिर्तामोडमा आयोजित पत्रकार सम्मेलनमा बोल्दै नेकपा एस झापाका अध्यक्ष बिपि भट्टराईले ‘सुशासन र रोजगारी समाजवादको तयारी’ भन्ने बिषयमा टिकटकमार्फत वक्तृत्वकला प्रतियोगिता आयोजना गरिएको बताउनु भयो ।

अध्यक्ष भट्टराईका अनुसार साउन २५ गतेदेखि भदौ १ गतेसम्म टिकटक वक्तृत्वकलाका भिडियोहरु पठाईसक्नु पर्नेछ । ‘टिकटक भिडियो ३ मिनेटको हुनु पर्नेछ,’ पत्रकार सम्मेलनमा अध्यक्ष भट्टराईले भन्नुभयो, ‘भदौ १ गते विहान १० बजेसम्म हाम्रो वाट्सप नम्बरमा आएको भिडियोलाई प्रतियोगितामा सहभागि गराउने छौं ।’ प्रतियोगिताको टिकटक भिडियो ९८०७९०५७०९ नम्बरको वाट्सपमा पठाउनु पर्ने नेकपा एस झापाले जनाएको छ ।

प्रतियोगिताको टिकटक भिडियोलाई भदौ १ गते विहान ११ बजे नेकपा एस झापाको टिकटक एकाउन्टबाट अपलोड गरिने र भदौ ८ गते विहान १० बजेसम्म भिडियोमा आएको लाईक, भ्यूज र शेयरलाई आधार मानेर ५० प्रतिशत र प्रतियोगिको प्रस्तुतीलाई निर्णायक मण्डलले मुल्याकंन गरेको ५० प्रतिशत अंक राखेर विजेता छनौट गरिने नेकपा एस झापाले जनाएको छ ।
प्रतियोगिताको प्रथम हुनेले नगद १० हजार, दोस्रोले ५ हजार र तेस्रोले ३ हजार नगद र प्रमाण पत्र पाउने पत्रकार सम्मेलनमा जानकारी गराईएको छ ।

प्रकाशित मिति: बिहीबार, साउन २२, २०८२ ०८:२१