विद्यालयको गाडी खोलामा खस्यो, १८ विद्यार्थी घाइते

स्थानीय

गृहपृष्ठ
स्थानीय

विद्यालयको गाडी खोलामा खस्यो, १८ विद्यार्थी घाइते

सेतोपत्र डेस्क शुक्रबार, साउन १७, २०८२

मेचीनगर,साउन १६ । झापाको मेचीनगर-९ मा रहेको पारिजात पब्लिक स्कलकाे विद्यार्थी बोकेको भ्यान दुर्घटनामा परेको छ ।

दुर्घटनामा १८ विद्यार्थी, एक जना शिक्षक र भ्यान चालक सहित २० जना घाइते भएको प्रहरीले जनाएको छ ।

आज बिहान विद्यार्थी लिएर बिद्यालयतर्फ जादै गरेको मे १ ज ३१०७ नम्बरको स्कुल भ्यान मेचीनगर–९,खुट्टिडाँगी चोक देखि ५०० मिटर पश्चिम हडिया खोलाको कल्र्भटबाट खोलामा खसेको स्थानियले बताएका छन् ।

घाइते विद्यार्थीहरुमध्ये भ्यान चालकसहित ६ जनाको बिर्तामोडस्थित बी एन्ड सी अस्पताल र बाकीँको धुलाबारीस्थित आम्दा मेची अस्पतालमा उपचार भइरहेको बिद्यालयका प्रिन्सिपल बिनोद प्रधानले जानकारी दिनुभयो ।

प्रधानका अनुसार चालक र ५ जना विद्यार्थीहरूलाई सिटी स्कानका लागि बी एन्ड सी अस्पताल लगिएको हो । सबैको अवस्था खतरामुक्त रहेको प्रिन्सिपल प्रधानले बताउनु भयाे । घटनाको बारेमा थप अनुसन्धान भइरहेको प्रहरीले जनाएको छ।

प्रकाशित मिति: शुक्रबार, साउन १७, २०८२ १४:२३

प्रतिक्रिया दिनुहोस्