मधेश प्रदेश विपद् सङ्कटग्रस्त क्षेत्र घोषणा

देश

गृहपृष्ठ
देश

मधेश प्रदेश विपद् सङ्कटग्रस्त क्षेत्र घोषणा

सेतोपत्र डेस्क बुधबार, साउन ८, २०८२

झापा,साउन ७ । सरकारले मधेश प्रदेशलाई तीन महिनाका लागि विपद् सङ्कटग्रस्त क्षेत्र घोषणा गरेको छ। आज बसेको मन्त्रिपरिषद्को बैठकले मधेशका आठ वटै जिल्लामा पानीको चरम अभावलाई ध्यानमा राख्दै यस्तो निर्णय गरेको हो।

खानेपानी तथा सरसफाइ मन्त्री प्रदीप यादवका अनुसार, सिँचाइ, खानेपानी, भूमिगत जल र मुहानको अवस्था निकै गम्भीर भएपछि संघीय सरकारले यस्तो निर्णय लिएको हो।यसअघि असार २६ गते बसेको मधेश प्रदेश मन्त्रिपरिषद् बैठकले प्रदेशलाई सुक्खाग्रस्त क्षेत्र घोषणा गरिसकेको थियो। त्यसैको सिफारिसका आधारमा संघीय सरकारले पनि निर्णय गरेको गृह मन्त्रालयले जनाएको छ।

जल तथा मौसम विज्ञान विभागका अनुसार, मधेशमा हालसम्म वर्षा औसतको मात्र ४५ दशमलव ६ प्रतिशत मात्र भएको छ। पानी नपरेका कारण साउनको पहिलो हप्तासम्म आधा रोपाइँ पनि हुन सकेको छैन।

प्रकाशित मिति: बुधबार, साउन ८, २०८२ १६:५३

प्रतिक्रिया दिनुहोस्