बाह्रदशीमा सवारी दुर्घटना : मृत्यु हुनेको संख्या ३ पुग्यो

देश

गृहपृष्ठ
देश

बाह्रदशीमा सवारी दुर्घटना : मृत्यु हुनेको संख्या ३ पुग्यो

सेतोपत्र डेस्क बिहीबार, असार २६, २०८२

झापा,असार २६ । झापाको बाह्रदशी गाउँपालिकामा स्कुटर र मोटरसाइकल ठोक्किएर भएको दुर्घटनामा मृत्यु हुनेको संख्या तीन पुगेको छ। दुर्घटनामा परी ७ वर्षीय आयुष राजवंशीको उपचारका क्रममा निधन भएपछि मृतकको संख्या बढेको हो।

बुधबार दिउँसो ३.४० बजे बाह्रदशी–१ खयरबारीस्थित भित्री सडकमा राजगढबाट कुटीतर्फ जाँदै गरेको बीआर ३७ एजेड ६४४० नम्बरको मोटरसाइकल र बिपरीत दिशाबाट आउँदै गरेको प्र.१–०१–०१६ प ९२७० नम्बरको स्कुटर एक आपसमा ठोक्किएर दुर्घटना भएको थियो ।

दुर्घटनामा कचनकवल–३ डाकुपारा निवासी ६० वर्षीय स्कुटर चालक श्रीप्रसाद राजवंशी र भारत, किशनगंज निवासी २७ वर्षीय मोटरसाइकल चालक सुरज टुडूको घटनास्थलमै मृत्यु भएको थियो।

घाइते अवस्थामै अस्पताल लगिएका श्रीप्रसादका नाति आयुष राजवंशीको बुधबार राति ९.२५ बजे बीएण्डसी अस्पतालमा उपचारका क्रममा निधन भएको प्रहरीले जनाएको छ । श्रीप्रसादकी बुहारी उर्मिला राजवंशीको अवस्था गम्भीर छ । उहाँको आईसीयूमा राखेर उपचार भइरहेको जिल्ला प्रहरी कार्यलय झापाले जनाएको छ ।

प्रकाशित मिति: बिहीबार, असार २६, २०८२ १४:३०

प्रतिक्रिया दिनुहोस्